Şymkent qalasyndaǧy 6506 äskeri bölımınde boryşyn ötep jatqan merzımdı äskeri qyzmetşınıŋ qaitys boluyna bailanysty Ūlttyq ūlannyŋ baspasöz qyzmetı resmi tüsınıkteme berdı, dep habarlaidy "Adyrna" ūlttyq portaly.
Vedomstvo habarlauynşa, äskeri qyzmetşı bölımge 2025 jyldyŋ 9 jeltoqsanynda kelgen. Alǧaş ret 17 jeltoqsanda medisinalyq kömekke jügıngen, sodan keiın oǧan qajettı tekseruler men taldaular jürgızılıp, medisinalyq mamandardyŋ tūraqty baqylauynda bolǧan.
29 jeltoqsanda densaulyǧynyŋ kürt naşarlauyna bailanysty ony auruhanaǧa jetkızu qajettılıgı tuyndaǧan. Degenmen, sarbaz 2026 jylǧy 6 qaŋtarda jürek qyzmetınıŋ toqtauynan qaitys boldy. Aldyn ala diagnoz – jedel leikoz.
Būl oqiǧa erekşe baqylauǧa alynǧany atap ötıldı. Osy derek boiynşa äskeri-tergeu departamentı qylmystyq ıs qozǧady, al tergeu barysy äskeri prokuraturanyŋ baqylauynda jürgızılıp jatyr.
