Prezıdent Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty Joldaýynda «Qarapaıym zattar ekonomıkasy» baǵdarlamalarynyń merzimin 2022 jylǵa deıin sozý týraly sheshim qabyldady.
Qarapaıym zattar ekonomıkasyn damytý – bul ishki naryqty otandyq taýarlarmen tolyqtyrý, básekege qabiletti óndirister qurý. Eń bastysy ımportty otandyq áleýmettik mańyzy bar azyq-túlik taýarlarymen almastyrý.
Qala ákiminiń orynbasary Aıbek Sattybaev Shymkent qalasynda «Qarapaıym zattar ekonomıkasy» baǵdarlamasy boıynsha jalpy somasy 50,6 mlrd teńge bolatyn 65 joba qarjylandyrylǵanyn aıtty. Osynyń nátıjesinde myńnan asa jumys orny ashylǵan.
Onyń aıtýynsha, qalada bıylǵy jyly atalǵan baǵdarlama boıynsha 80 jobanyń bank nesıelerin sýbsıdııalaý jáne 20 jobany kepildendirý josparlanyp, bul maqsatqa 83,4 mlrd. teńge qarjy qaralǵan. Baǵdarlamaǵa qatysýǵa 84 kásiporyn ótinim bildirgen. Onyń ishinde búginde 65 joba qarjylandyrylsa, qazir ekinshi deńgeıdegi bankterde 4,2 mlrd teńge somasyndaǵy taǵy bes joba qarastyrylýda.
Qala ákiminiń orynbasary Aıbek Sattybaev Shymkent qalasy «Qarapaıym zattar ekonomıkasy» baǵdarlamasy aıasynda jobalardy sýbsıdııalaý boıynsha Almatydan keıin ekinshi orynda ekenin aıtty.
Sonymen birge ol eki aı buryn osy baǵdarlamaǵa túzetýler engizilip, onda qoldaýǵa jatatyn basym qyzmet túrleri men taýarlardy keńeıtý, lızıngtik kompanııalardy baǵdarlama operatorlary retinde qosý kózdelgenin aıtyp ótti.
Baǵdarlamanyń arqasynda 2025 jylǵa qaraı kredıtteletin taýarlar boıynsha ımport úlesi 59 paıyzdan 37 paıyzǵa deıin tómendep, 16 myńǵa jýyq jumys orny qurylady dep kútilýde.
Shymkent qalasy ákimdiginiń baspasóz qyzmeti
