Halyqty sporttyq infraqūrylymmen qamtamasyz etu körsetkışı 25,4 %-ǧa jettı

Şymkent qalasynyŋ dene şynyqtyru jäne sport basqarmasynyŋ basşysy B.Tūmanbaev 2021 jyldyŋ 9 aiynda jüzege asqan jūmystardan habardar ettı. Basqarma basşysy qalada dene şynyqtyru jäne sportty damytudaǧy negızgı üş baǧyt – būqaralyq sportty, sporttyq infraqūrylymdy damytu, joǧary sport şeberlıgı boiynşa jūmystardyŋ barysyna toqtalyp öttı. 2021 jyldyŋ 6 aiynda dene şynyqtyrumen jäne sportpen jüielı türde şūǧyldanatyn azamattar sany 340 305 adamdy nemese qala tūrǧyndarynyŋ jalpy sanynyŋ 31,2 %-yn qūrady. Būl körsetkış ötken jyldyŋ tiıstı kezeŋımen salystyrǧanda 0,6 %-ǧa artqan. Şymkent qalasynyŋ 2021-2025 jyldarǧa arnalǧan damu baǧdarlamasyndaǧy «Halyqtyŋ 1000 adamǧa şaqqandaǧy sporttyq infraqūrylymmen ortaşa qamtamasyz etıluı» nysanaly indikatoryna säikes, 2021 jyly 25,1 %-ǧa (34315 şarşy metr) jetkızu josparlanǧan. Qazırgı uaqytta Nūrsät şaǧynaudany, 188 A mekenjaida ornalasqan sport keşenı paidalanuǧa berılıp, būl körsetkış 25,4 %-ǧa jettı. İndikator körsetkışı oryndaldy. Būqaralyq sportty damytu maqsatynda joǧary jäne orta arnauly oqu oryndarynyŋ studentterı men jalpy orta bılım beru mekemelerınıŋ oquşylary arasynda (2021-2022 oqu jylynda) «Şymkent jastar ligasy» sporttyq ıs-şarasy bastaldy. Şymkent qalasynda sport seksiialarynda şūǧyldanuşylardyŋ sanyn arttyru üşın tiıstı infraqūrylymdy jäne qosymşa jūmys oryndaryn köbeitu maqsatynda sporttyq üiırmelerdı jan basyna şaqqandaǧy qarjylandyru ıske asyryluda. Biylǧa qalada 4096 balaǧa 71 sport türınen tegın sport seksiialaryn ūiymdastyru üşın jergılıktı biudjetten (jan basyna şaqqandaǧy qarjylandyru) 339,8 mln teŋge qarjy baǧyttaldy. Memlekettık sporttyq tapsyrysqa bölıngen qarjy artsport.edu.kz aqparattyq portalyna engızıldı. Nätijesınde 65 käsıpkerden ötınım tüsıp, onyŋ ışınen 38 käsıpker bılıktılık ırıkteuden öttı. Bılıktılık ırıkteuden ötken käsıpkerler 14 sport türı boiynşa 12 188 ötınım bergen. Qazırgı uaqytta ata-analardan jalpy 9615 balaǧa ötınım tüsıp, 9122 balany jattyqtyruǧa kelısımşart jasaldy. Sporttyq seksiialarda oqu-jattyǧu sabaqtary jürgızılude.