Sozaq aýdanynyń ákimi Salyhan Polatov Ýkraına astanasy Kıev qalasynda djıý-djıtsýdan ótken álem chempıonatynda altyn medal ıelengen Akbar Elýbaıulyn qabyldap, marapattady.
– Ýkraınada elimizdiń ánuranyn shyrqattyń. Seniń jeńisiń bizdiń zor maqtanyshymyzdy týǵyzdy. Aldaǵy ýaqytta sportta úlken bıikterdi baǵyndyrýyńa tilektespin. Deniń saý, otbasyń aman bolsyn, – dep ystyq yqylasyn jetkizgen aýdan basshysy jeńimpazǵa óz atynan syı-sııapat jasap, Alǵys hat tabys etti.
Akbar Elýbaıuly – erkin kúresten QR-nyń úsh dúrkin jeńimpazy, Azııanyń kúmis júldegeri. Sondaı-aq, sporttyń MMA, pankratıon, djıý-djıtsý túrleri boıynsha QR chempıony, sport sheberi. «Tolaǵaı sultany – 2019» baıqaýynyń birinshi oryn ıegeri. 33 keli tartatyn mýlıajdy 2019 ret kóterip, Qazaqstannyń rekordtar kitabyna (KInES) engen.
Maqsat Qarǵabaı
