Bul kúnderi Máskeýde áskerıler arasynda bokstan álem chempıonaty ótip jatyr. Jahandyq jarystyń jartylaı fınalyna 7 birdeı qazaq boksshy joldama aldy.
49 kelide el namysyn qorǵaǵan Temirtas Júsipov shırek fınalda kenııalyq boksshyny jeńip, jartylaı fınalǵa ótti. Endi Temirtas sharshy alań ıesi reseılik Volodıa Mnaakanıanmen qolǵap túıistiredi. 52 keli salmaqtaǵy Damır Ábdiqadir Shrı-Lanka boksshysyn jeńdi. Ol jartylaı fınalda Irlandııa boksshysy Shon Iman Marımen aqtyq syn joldamasyna talasady.
56 kelidegi Rústem Shaýmenovtiń de jolyna úmitpen qaraımyz.
Ol da sharshy alań ıesi Ovık Oganesıanmen judyryqtasady. Aıta keteıik, Rústem shırek fınalda ıtalııalyq boksshyny tize búktirgen. Osy chempıonatta 64 kelidegi boksshymyz Aıtjan Áshirhannyń boksyna súısingen jankúıerler men sarapshylar kóp boldy. Shırek fınalda sırııalyq boksshyny jolda qaldyrǵan Aıtjan endi Ózbekstannyń bylǵary qolǵap sheberimen aıqasyp kórmek. Áýesqoı boksta «qazaqtyń salmaǵy» atanǵan 69 kelidegi boksshymyz, ókinishke qaraı, shırek fınalǵa da jete almaı súrindi.
Esesine bul salmaqtaǵy arýymyz namysty qoldan bermeı keledi. Jasmın Qyzatova jartylaı fınalda brazılııalyq boıjetken Barbara Marııa dos Santospen judyryqtasady. 75 kelidegi Tımýr Nurseıitov Belarýs boksshysynan aılasyn asyrsa, 91 kelidegi Abzal Quttybekov Lıýksembýrg boksshysyn qınalmaı jeńdi. Tımýr men Abzaldyń jartylaı fınaldaǵy qarsylastary franııalyqtar. Shırek fınalǵa shyqqan boksshylarymyzdyń ishinde tek Azamat Baqytov qana jartylaı fınalǵa óte almady.
Ońtústik.kz
