QR Táýelsizdiginiń 30 jyldyǵyna oraı Shymkent qalasy Abaı aýdanynyń ákimi B.Parmanovtyń qatysýymen aýdan ákimi janyndaǵy jastar keńesi ótti. Aýdan ákimi Abaı aýdandyq «Jastar resýrstyq ortalyǵy» bólimshesiniń jumys barysymen tanysyp, jastarmen tildesti.
Atalmysh sharada Shymkent qalasy «Jastar resýrstyq ortalyǵy» KMM-niń basshysynyń orynbasary Erlan Aljanov prezentaııalyq baıandama jasady. Onda ortalyqtyń birinshi qabaty jastarǵa qyzmet kórsetý, ekinshi qabaty relaks zona jáne kovorkıng, úshinshi qabaty psıhologııalyq jeke qabyldaý jáne tezısnyı zal baǵyttary boıynsha jumys jasaıtyndyǵyn aıtyp ótti.
Belsendi jastar tarapynan erikti jastarǵa arnalǵan meıirim portalynyń qyzmetin uıymdastyrý, «Saıabaqtaǵy keshki ýaqyt» taqyrybynda jastar kóp shoǵyrlanatyn jerde Street Workaut alańshalaryn ashý, aýlalarda salynyp jatqan sport alańshalarynyń tóbesin jabý; áleýmettik, turmystyq jaǵdaıy tómen otbasydan shyqqan mektep oqýshylaryn MMA, boks, kıkboksıng jáne t.b sport túrlerine tegin qatysýyna jaǵdaı jasaý sekildi usynystar aıtyldy.
Aýdan ákimi aldaǵy josparlarymen bólisip, qalanyń damýyna jastardyń belsendiligi qajet ekenin atap ótti.
Abaı aýdandyq jastar ortalyǵynyń mekenjaıy: Shymkent qalasy, Kremlevskıı №48a (Jabyq bazar janynda)
Shymkent qalasy ákimdiginiń baspasóz qyzmeti
