Şymkenttık sportşylar kikboksingten ötken Älem kubogynda tolaǧai tabyspen oraldy. Būl jarys 16-19 qyrküiek künderı aralyǧynda Vengriia elınıŋ Budapeşt qalasynda ötken bolatyn.
Saiysqa qatysuşylar kadetter, jastar jäne eresekter kategoriiasy boiynşa baq synasty. Kıl myqtylardy jinaǧan jarysqa jahannyŋ 35 memleketınen 2500 sportşy qatysqan.
Jaŋabai Äşırbekov, Şymkent qalasynyŋ aǧa jattyqtyruşysy: «Şymkent qalasynan eresekter arasynan 3 sportşy, kadetter arasynda 5 sportşy, jastar arasynda 1 sportşy qatysty. Eresekter arasynda 1 altyn, 1 kümıs, 1 qola; jastar arasynda 1 altyn; kadetter arasynda 4 altyn, 1 kümıske ie boldyq».
Ata-analar men bapkerlerdıŋ artqan ümıtın aqtaǧan saŋlaqtar mūnymen toqtap qalmaimyz dep otyr. Endı olar alda İtaliianyŋ Venesiia qalasynda ötetın Älem Chempionatynda top jarudy közdep otyr.
Älihan Faizhanov
