"Terekti áýlıe" petroglıfteri Ulytaý aýdany, Terekti áýlıe Terekti temir jol stansasynan soltústik-shyǵysqa qaraı 20 km jerde ornalasqan.
Bul Ortalyq Qazakstandaǵy tasqa beıneleý óneriniń kóne eskertkishi neolıt, enolıt, qola dáýirleriniń qoltańbasy bar, erte temir dáýirinde baǵaly metaldardy óndirgen oryndar men túrli qorǵandardyń izi qalǵan kıeli meken.
XX ǵasyrdyń 40-shy jyldary OQAE-nń jetekshisi akademık Á.X.Marǵulan osy eskertkishke alǵash nazar aýdaryp, qyskasha sıpattama beredi. Terekti áýlıeni keshendi zertteýdi 1996 jyldan Batys Qazaqstan arheologııalyq ekspedıııasy júrgizdi (jetekshisi 3.S.Samashev).
Terekti áýlıe arheologııalyq kesheni tasqa beınelengen sýretterden, neolıttik turaqtardan, qola dáýiriniń qonystary men nekropoldarynan t.b. turady. Terekti áýlıede tasqa janýarlar sýreti beınelengen. Bunyń barlyǵy saq dáýirine jatatyn «ań stıli» beıneleý ónerine saıady.
Jalpy, Terekti áýlıe petroglıfteri: qola dáýiri (bizdiń zamanymyzdan burynǵy 2-1 myń jyldyqtyń basy); skıf-sibir dáýirine (bizdiń zamanymyzdan burynǵy XII - bizdiń zamanymyzdyń I ǵasyrlary) jáne orta ǵasyrǵa jatady. Arheolog J.Qurmanqulovtyń jetekshiligimen Jezqazǵan ýnıversıteti barlaý-arheologııalyq ekspedıııa uıymdastyryp (2003), «Terekti áýlıe tylsymdary» atty fotokórme ótkizdi (2004).
“Rýhanı jańǵyrý” baǵdarlamasy aıasynda
Qaraǵandy oblystyq mádenıet, muraǵat
jáne qujattama basqarmasy men “Adyrna”
ulttyq portalynyń birlesken jobasy
