Úshinshi megapolıste jyldyń eń aýqymdy sport básekesiniń biri de biregeıi – Shymkent marafony ótti.
Halyqaralyq saıys Memleket basshysynyń buqaralyq sportty damytý tapsyrmasyna saı qala ákimdiginiń qoldaýymen ótýde. Qala turǵyndary men qonaqtary túrli qashyqtyqta júgirýde. Jarysqa qatysýshylarǵa qala ákiminiń orynbasary Maqsut Isahov sáttilik tiledi.
– Búgin Shymkentte úlken mereke! Sportshylarǵa barlyq qolaıly jaǵdaı jasaýǵa tyrystyq. Sizderge Muhtarhan Dildábekov, Birjan Jaqypov sekildi Olımpıada qatysýshylary qoldaý kórsetýge kelip otyr. Jáne qoldaý kórsetken qala turǵyndaryna alǵys aıtamyz. Shymkent marafonyna qatysýshylarǵa sáttilik tileımiz! Qala ákimi Murat Dúısenbekuly Áıtenovtyń atynan duǵaı sálem! – dedi Maqsut Isahov.
Aıta keteıik, dástúrli Shymkent marafony bıyl besinshi ret ótýde. Halyqaralyq jarysty "Royal" jáne "Qasıet" fıtnes-sport klýbtary uıymdastyryp, "Evrıka" sekildi saýda jelileri qoldaý kórsetedi. Bıylǵy saıysqa Qazaqstannyń túrli qalalarynan ǵana emes, kórshi shetelderden 2000-ǵa jýyq atlet qatysyp, olar 5, 10, 21 jáne 42 shaqyrymǵa júgirýde.
