Foto: Qazaq ädebietı
90 jasqa tolǧan Qazaqstannyŋ Halyq jazuşysy, aqyn Oljas Süleimenovtıŋ mereitoiy el kölemınde atalyp ötıp jatyr. Aqynnyŋ jastyq şaǧynda qudalauǧa ūşyrau qaupı bolǧany turaly Qazaqstan Jazuşylar odaǧynyŋ töraǧasy Mereke Qūlkenov mälımdedı, dep habarlaidy "Adyrna" ūlttyq portaly 24.kz saityna sıltep.
Onyŋ aituynşa, 1975 jyly jaryq körgen «Az i Iа» kıtaby qoǧamda ülken rezonans tudyrǧan. Eŋbek türkologtar men lingvisterdıŋ joǧary baǧasyna ie bolǧanymen, keiın synǧa ūşyrap, kıtaptyŋ jüz myŋ danasy ainalymnan alynǧan.
Alaida Oljas Süleimenovtı jazadan jäne qastandyqtan qorǧap qalǧan Dınmūhamed Qonaev bolǧan.
«1975 jyly “Az i Iа” kıtaby jaryq körıp, bükıl älemdı şulatty. Kıtaptyŋ on betın oqyǧan soŋ-aq älemnıŋ ǧalymdary, türkologtary men lingvisterı taŋdanysyn jasyra almady. Keiın üreilenıp, “myna Oljasty toqtatu kerek” degen äŋgımeler aityla bastady. Jüz myŋ danamen şyqqan kıtap bır künde joiylyp, ainalymnan alyndy», – dedı Qazaqstan Jazuşylar odaǧynyŋ töraǧasy Mereke Qūlkenov.
Bügınde 90 jasqa tolǧan, abyz aqsaqal atanǧan Oljas Süleimenov – elge sıŋırgen eŋbegı zor, halyq qūrmetıne bölengen tūlǧa. Onyŋ tereŋ oily, ötkır şyǧarmalary qazaq ädebietınde erekşe oryn alady. Aqyn öz öleŋderı arqyly qazaq elın bükıl Odaqqa, älemge tanytty. Altyn jaldy arǧymaqqa, kümıs qanatty aqsūŋqarǧa teŋelgen arda azamattyŋ mereitoiy bügınde el kölemınde atalyp ötıp jatyr.
«Sonda jasy qyryqtan endı asqan aqynǧa bır ǧana adam araşa tüstı. Ol – Dınmūhamed Qonaev. Odaqtyŋ pysyqtary “Oljas Süleimenovtı qūrtu kerek” dep şulaǧan kezde, Brejnevke män-jaidy tüsındırıp, Oljasty aman alyp qalǧan – Qonaev. Al keiın Dınmūhamed Qonaevtyŋ basyna qiyn kün tuyp, plenumda jūrt jarysa söz söilep, köbı odan terıs ainalǧanda, janynan tabylǧan da – Oljas Süleimenov edı. Ol jalǧyz qalǧan Qonaevtyŋ qasyna baryp otyrdy. Sol kezeŋde bükıl älem Oljasty tani bastady. Ol älemge “arǧymaq”, “jıgıt”, “ainalaiyn” sekıldı qazaqy ūǧymdardy tanytyp, jyly sezım ūialatty», – dedı Odaq töraǧasy.
Oljas Süleimenov: "Qazaqtyŋ 70 paiyzyn aştyqpen qyrdy, qalǧan 30 paiyzyn uhan virusymen qyrmaq pa?!"
