Qazaqstanda emdelý baǵasy taǵy da qymbattady

503

Qazaqstanda emdelý baǵasy taǵy da qymbattady, dep habarlaıdy “Adyrna” ulttyq portaly.

Zertteý nátıjelerine súıensek, 2021 jyldyń qazan aıynyń sońynda medıınalyq qyzmetter baǵasy aılyq dınamıka boıynsha 0,3%-ǵa, jyldyq dınamıka boıynsha 10,1%-ǵa ósti.

Jyl saıynǵy baǵanyń ósýi Almaty (20%-ǵa), Túrkistan (18,1%) jáne Pavlodar (15,6%) oblystarynyń turǵyndaryna qatty áser etedi,dep habarlady Energyprom.kz sarapshylary.

Emdelý baǵasynyń eń az ósimi Aqtóbe oblysynda (jylyna 0,8%-ǵa) tirkeldi.

2021 jyldyń birinshi jartyjyldyǵynda aýrýhana qyzmetteri 618,7 mlrd teńgege jetti. Bul ótken jylmen salystyrǵanda 60,3%-ǵa artyq.

2020 jyldyń qańtar-maýsym aılarynda qyzmet kórsetý kólemi jylyna 12,9%-dy alyp, 385,9 mlrd teńgeni quraǵan bolatyn.

Qyzmetterdiń basym bóligi bıýdjet qarajaty esebinen kórsetildi: 547,8 mlrd teńge, + 56,7%. Halyq esebinen qyzmet kórsetý 66,7%-ǵa, ıaǵnı 38,7 mlrd teńgege, kásiporyndar esebinen 2,4 esege, 32,2 mlrd teńgege ósti.

Óńirlik turǵydan alyp qarasaq, sektordaǵy qyzmet kórsetýdiń eń úlken kólemi Almaty qalasynda: 99,4 mlrd teńge – bir jyl burynǵy esepten 67,2%-ǵa artyq.

Úzdik úshtikke: Nur-Sultan (79 mlrd teńge, +79,2%) Túrkistan oblysy (56,3 mlrd teńge, + 74,9%) kirdi.

Eń az qyzmet kórsetý ósimi Atyraý oblysynda tirkeldi: bar bolǵany 11,7 mlrd teńge – bir jyl burynǵydan 33,4%-ǵa artyq.

Aıta ketetin jaıt, jyl basynan beri aýrýhanalardyń hırýrgııalyq bólimsheleriniń qyzmeti 107,2 mlrd teńgege jetip, bir jyl burynǵy kórsetkishten 33,9%-ǵa artyq.

“Adyrna” ulttyq portaly

Pikirler
Uqsas jańalyqtar