Almatyda er adam 11 jastaǵy qyzdy zorlaǵan, dep habarlaıdy "Adyrna" ulttyq portaly.
Er adam tapa-tal túste belgisiz úıge kirip, eshkimniń joq ekenin paıdalanyp, 11 jastaǵy qyzdy zorlaǵan. Sol kúni qyzdyń anasy jumysyna erterek shyǵyp ketken. Úlken qyzy mektepke ketken.
Qyz bala er adam ketken soń birden anasyna habarlasqan.
«Maǵan qyzym habarlasyp, úıge belgisiz er adamnyń kelgenin aıtty. Aıǵaılamas úshin aýzyn japqan. Jerge jatqyzyp, sheshindirgen. Isin bitirgen soń, «renjime» dep qolyn súıip, eshkimge aıtpa dep qorqytyp, ketip qalǵan», - deıdi qyzdyń anasy.
Anasy qyzynyń osy oqıǵadan keıin eshkimmen sóılespeıtinin, shoshyp qalǵanyn aıtady.
Áıel adam úıge eki apta buryn kóship kelgen. Aıyna 70 myń teńge tólep turady. Kúdiktini otbasy músheleriniń eshqaısy tanymaıdy. Qazir kúdikti ustalǵan.
«Úıdiń esigi ashyq turǵan. Qyz bala úıde jalǵyz bolǵan. Kúdiktige qarsylyq kórsete almaǵan. Oqıǵa ornyna jedel-tergeý toby jiberildi. Saraptama taǵaıyndaldy. Qazir kúdikti ýaqytsha ustaý ızolıatoryna qamalǵan. Kámelettik jasqa tolmaǵan balany zorlaý faktisi boıynsha qylmystyq is qozǵaldy. Eger onyń kinási dáleldense ómir boıyna bas bostandyǵynan aıyrylýy múmkin», - dedi Almaty Polıııasy departamentiniń baspasóz hatshysy Saltanat Ázirbek.
