Қазақстанда емделу бағасы тағы да қымбаттады, деп хабарлайды “Адырна” ұлттық порталы.
Зерттеу нәтижелеріне сүйенсек, 2021 жылдың қазан айының соңында медициналық қызметтер бағасы айлық динамика бойынша 0,3%-ға, жылдық динамика бойынша 10,1%-ға өсті.
Жыл сайынғы бағаның өсуі Алматы (20%-ға), Түркістан (18,1%) және Павлодар (15,6%) облыстарының тұрғындарына қатты әсер етеді,деп хабарлады Energyprom.kz сарапшылары.
Емделу бағасының ең аз өсімі Ақтөбе облысында (жылына 0,8%-ға) тіркелді.
2021 жылдың бірінші жартыжылдығында аурухана қызметтері 618,7 млрд теңгеге жетті. Бұл өткен жылмен салыстырғанда 60,3%-ға артық.
2020 жылдың қаңтар-маусым айларында қызмет көрсету көлемі жылына 12,9%-ды алып, 385,9 млрд теңгені құраған болатын.
Қызметтердің басым бөлігі бюджет қаражаты есебінен көрсетілді: 547,8 млрд теңге, + 56,7%. Халық есебінен қызмет көрсету 66,7%-ға, яғни 38,7 млрд теңгеге, кәсіпорындар есебінен 2,4 есеге, 32,2 млрд теңгеге өсті.
Өңірлік тұрғыдан алып қарасақ, сектордағы қызмет көрсетудің ең үлкен көлемі Алматы қаласында: 99,4 млрд теңге – бір жыл бұрынғы есептен 67,2%-ға артық.
Үздік үштікке: Нұр-Сұлтан (79 млрд теңге, +79,2%) Түркістан облысы (56,3 млрд теңге, + 74,9%) кірді.
Ең аз қызмет көрсету өсімі Атырау облысында тіркелді: бар болғаны 11,7 млрд теңге – бір жыл бұрынғыдан 33,4%-ға артық.
Айта кететін жайт, жыл басынан бері ауруханалардың хирургиялық бөлімшелерінің қызметі 107,2 млрд теңгеге жетіп, бір жыл бұрынғы көрсеткіштен 33,9%-ға артық.
“Адырна” ұлттық порталы
