Özbekstan Bas prokuraturasy Sardoba su qoimasy boiynşa qylmystyq ıs aiasynda alǧaşqy küdıktıler ūstalǧanyn mälımdedı. Būl turaly Tengrinews.kz habarlaidy.
"Qazırgı uaqytta atalǧan qylmystyq ıs boiynşa ekı adam küdıktı retınde ūstaldy, olarǧa qatysty "qamauǧa alu" būltartpau şarasy qoldanyldy. Is boiynşa män-jaidy anyqtauǧa kedergı keltırudıŋ aldyn alu maqsatynda basqa mälımetter jariialanbaidy", - dep habarlaidy Bas prokuratura özınıŋ Telegram-daǧy arnasynda.
Jergılıktı BAQ mälımetterı boiynşa, ūstalǧandardyŋ arasynda - su qoimasy nysanyn damytu jäne paidalanu jönındegı direksiianyŋ basşysy bar.
Eske salaiyq, Özbekstanda 1 mamyr künı bolǧan jaŋbyr men dauyldan keiın Syrdariia oblysyndaǧy Sardoba su qoimasy bögetterınıŋ bırı jarylǧan bolatyn. Apat saldarynan, eldı mekenderge, kommunikasiialyq jelıler men auyl şaruaşylyǧy alaŋdaryna ülken zalal tidı. Tūrǧyn üiler men basqa da nysandar su astynda qaldy.
Ūqsas jaŋalyqtar
