«SHYMKENT ZHASTAR LIGASY» jobasynyń ekinshi maýsymy bastaldy

219

El Táýelsizdiginiń 30 jylyna oraı Shymkenttegi joǵarǵy sport sheberligi mektebinde qala ákiminiń qoldaýymen «Shymkent Jastar Lıgasy» jobasynyń ekinshi kezeńi saltanatty túrde ashyldy.

Sporttyq sharanyń resmı ashylýyna qala ákiminiń birinshi orynbasary Shyńǵys Muqan, qalalyq bilim basqarmasynyń basshysy Janat Tájıeva, qalalyq dene shynyqtyrý jáne sport basqarmasynyń basshysy Baýyrjan Tumanbaev, qalalyq ishki saıasat jáne jastar isteri jónindegi basqarmasynyń mindetin atqarýshy Muratjan Shotanov jáne jalpy bilim berý mekemeleriniń dırektorlary, sondaı-aq, qatysýshy komandalar jáne olardyń jankúıer fan-klýbtary qatysty.

Jıynda sóz alǵan Shyńǵys Jumabekuly jobanyń mańyzdylyǵyna toqtalyp, jas sportshylarǵa sáttilik tiledi.

– QR Prezıdenti Qasym-Jomart Toqaevtyń buqaralyq sportty damytý boıynsha bergen tapsyrmasy negizinde Shymkent qalasy ákiminiń qoldaýymen jastar lıgasy byltyr alǵash ret uıymdastyryldy. Birinshi kezeńde 140 bilim berý uıymynan 500-den astam komanda jasaqtalyp, 6 myńnan astam oqýshy baǵyn synaǵan. Bıyl sporttyq saıystyń ekinshi maýsymynyń saltanatty ashylýyna jınaldyq. Bul saıys jastardy tabandy bolýǵa úıretedi, - dedi Shyńǵys Muqan.

Jastardyń bos ýaqytyn tıimdi paıdalaný, jappaı sportqa baýlı otyryp salaýatty ómir saltyn nasıhattaý, buqaralyq sportty damytý maqsatynda ekinshi márte uıymdastyrylyp otyr. «Shymkent jastar lıgasy» jobasy fýtbol, voleıbol, basketbol, shahmat syndy sporttyń 4 túrinen joǵary jáne orta arnaýly oqý oryndarynyń jastary jáne jalpy bilim berý mekemeleriniń oqýshylary arasynda ótkizilýde.

Munan soń, is-sharada jarystyń alǵashqy oıyny ótti. Bas tóreshiniń bekitken kestesine sáıkes, qyzdar arasynda voleıbol sport túrinen A.Pýshkın atyndaǵy №1 mektep gımnazııasy jáne J.Aımaýytov atyndaǵy №64 mektep gımnazııasynyń komandasy arasynda tartysty oıyn boldy. Týrnırde 2:0 esebimen №64 mekteptiń quramasy basym tústi.

Aıta keteıik, ár aýdanǵa qarasty mektepter tórt topqa bólinip, qazan-mamyr aılarynda ózara saıysyp,top jeńimpazdary anyqtalady. Aýdandardaǵy oıyndardan soń óz tobynan jeńimpaz bolyp shyqqan 16 mekteptiń komandalary sáýir aıynda 1/8 fınalda oıyndardy jalǵastyrady. Jarys jeńimpazdary mamyr aıynda anyqtalyp, marapattalady.

Azamat JAPPAR
foto Serik QOSAEV

Pikirler
Redakııa tańdaýy