Úshinshi megapolıste «Ata-ana – ulttyń uıasy» atty ata-analar forýmy bastaldy. «Senimen bolashaq» respýblıkalyq qoǵamdyq birlestigi uıymdastyrǵan aýqymdy is-sharaǵa Shymkent qalasynyń ákimdigi qoldaý kórsetip otyr.
Alǵash ret offlaın ótip jatqan forýmǵa Shymkent qalasy ákiminiń birinshi orynbasary Shyńǵys Muqan, «Senimen bolashaq» QB quryltaıshysy Nurken Asanov, QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, «Bilim-Innovaııa» halyqaralyq qoǵamdyq qorynyń prezıdenti Darhan Óte, Túrkistan oblystyń adamı áleýetti damytý basqarmasynyń basshysy Raqymbek Jolaev, ata-analar men qala turǵyndary, BAQ ókilderi qatysty.
Plenarlyq otyrysqa «Senimen bolashaq» qoǵamdyq birlestiginiń tóraǵasy, pedagog Ǵalymbek Bermaǵanbetov moderatorlyq jasap, júrgizip otyrdy. Forýmǵa QR Bilim jáne ǵylym vıe-mınıstri Sholpan Karınova onlaın qosylyp, sáttilik tiledi.
– Mundaı bastamalar, ata-analar forýmy – óte mańyzdy. Bala tárbıesi – ortaq múdde. Ata-ana – mektep – oqýshy úshtigi tyǵyz qatynasta jumys istese, kóp jetistikke jeterimiz sózsiz. Sebebi, balalarymyz, oqýshylardyń bilimi men tárbıesi eresekterdiń basty mindet-maqsaty sanalady. Forým jumysyna mınıstr Ashat Aımaǵambetovtyń atynan sáttilik tileımin! – dedi Sholpan Tańatqyzy.
«Senimen bolashaq» respýblıkalyq qoǵamdyq birlestiginiń quryltaıshysy, qoǵam qaıratkeri Nurken Asanov, ásirese, pandemııa urpaq tárbıesine salǵyrt qaraýǵa bolmaıtynyn uǵyndyrǵanyn, ınternet damyǵan zamanda ár ata-ananyń balalardyń janynan árdaıym tabylý mańyzdy ekenine toqtaldy. Al Shymkent qalasy ákiminiń birinshi orynbasary Shyńǵys Muqan bala tárbıesi ár ata-ananyń ózine tikeleı baılanysty ekenine basa nazar aýdardy.
– Balany tárbıeleý úshin aldymen ózimizdi tárbıeleýimiz kerek. Qarapaıym mysal retinde aıtaıyn, barlyǵymyzda derlik uıaly telefon bar. Statıstıka boıynsha adam ár 3 mınýt saıyn sol telefonǵa qarap qoıa beredi. Sóıte tura balasyna gadjetke qumar bolmaýdy eskertedi. Al ol úshin eresek adam aldymen ózi úlgi bolýy kerek. Oqýshylardyń janynda muǵalimi 5-6 saǵat bolsa, táýliktiń qalǵan ýaqytynda ata-anasy bolady. Sondyqtan, ata-ana retinde jaýapkershilikti sezinýimiz kerek, – dedi Shyńǵys Jumabekuly.
Forým barysynda, QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, «Bilim-Innovaııa» halyqaralyq qoǵamdyq qorynyń prezıdenti Darhan Óte, Túrkistan oblystyń adamı áleýetti damytý basqarmasynyń basshysy Raqymbek Jolaev sóz alyp, bala tárbıesi jolyndaǵy kózqarastarymen, usynystarymen bólisti.
Plenarlyq jıynnan keıin forým túrli taqyryptaǵy semınar-trenıngtermen jalǵasty. Onda bala tárbıesi salasyndaǵy Eljas Ertaıuly, Ashan Abjanov, Ǵalymbek Bermaǵanbetov sekildi sarapshy mamandar tájirıbelerimen bólisti.
Nýrlan Bektaev
