Äl-Farabi atyndaǧy Qazaq Ūlttyq universitetı, jurnalistika fakultetınıŋ oqytuşysy Qastai Dastan Quandyqūly universitet basşylyǧynyŋ eşbır sebepsız jūmystan şyǧaryp jıbergenıne qatysty narazylyǧyn bıldırdı. Būl turaly feisbuk paraqşasynda jazdy, dep habarlaidy «Adyrna» ūlttyq portaly.
Dastan Qastaidyŋ sözınşe, būl oqiǧaǧa sebep – «Kemel Toqaev» atyndaǧy auditoriianyŋ aşyluy. Täuelsız BAQ-tyŋ «Toqaev atyndaǧy auditoriiaǧa qatysty» aqparatynan keiın jurnalistika fakultetınıŋ oqytuşylary qatty qysymǧa ūşyraǧan. Al universitet tarapy mūndai qadamǧa barǧanyna qatysty tüsınık beruden bas tartqan. Oqiǧadan keiın Dastan Qastai QR Prezidentı Qasym-Jomart Toqaevqa, QR Ǧylym jäne joǧary bılım ministrı Saiasat Nūrbekke, QR Mädeniet jäne aqparat ministrı Aida Balaevaǧa Aşyq hat joldaǧan.«Men, QR azamaty, äl-Farabi atyndaǧy Qazaq Ūlttyq universitetı, jurnalistika fakultetınıŋ oqytuşysy Qastai Dastan Quandyqūly akademiialyq ädıldıktı talap etemın! Oqytuşylyq jūmysymnyŋ altynşy aptasy bastalǧanda eşbır «oiǧa qonymdy» sebepsız äl-Farabi atyndaǧy Qazaq Ūlttyq universitetındegı jūmystan şyǧaryldym. Universitet tarapy nelıkten mūndai qadamǧa barǧanyna qatysty tüsınık beruden bas tartty. Qūrmettı memleket basşysy, ministrler, köz aldymda menıŋ azamattyq qūqym taptalyp, oqytuşylyq bolmysyma, käsıbi qyzmetıme nūqsan kelıp jatyr. QazŪU basşylyǧyna, ämırşıl-äkımşıl jüienı şeberlıkpen jüze asyratyn jandarǧa «Täuelsızdık ūrpaǧynyŋ» ūstanymy, sanasy aşyq azamattyq oqytuşylyq ambisiiasy ūnamasa kerek. Menımen aiqas jazuşy-jurnalist «Kemel Toqaev auditoriiasy» aşylǧannan keiın bastaldy» - dep jazǧan Dastan Qastai.Sondai-aq Dastannyŋ jūmystan şyǧyp qalǧanyn estıgen keibır studentterdıŋ aituynşa, jataqhanada ülken jinalys bolǧan. «Toqaev auditoriiasy» aşylǧannan keiın universitet basşylyǧy täuelsız būqaralyq aqparat qūraldaryna eşqandai da sūhbat bermeudı talap etken. Studentterdıŋ basym bölıgı universitet äkımşılıgınıŋ şeşımıne kelıspei, akademiialyq talap-şaǧymyn joldaǧan. Sonymen qatar Dastan Qastai universitet basşylyǧynyŋ jazalanuyn bilık ökılderınen talap etken.
«Mipazdyq däurenı öttı. Jaŋa kün şyǧyp keledı. Azamattyq qoǧamǧa jaŋa qūndylyq, jöndı jetekşı qajet. Menı eş sebepsız jūmystan şyǧarǧan jäne ar-namysyma nūqsan keltırgen Universitet basşylyǧynyŋ jazalanuyn jäne QazŪU-daǧy bılım saiasatynyŋ özgertıluın talap etemın!», - deidı Dastan.Dastan joldaǧan Aşyq hatqa QR Ǧylym jäne joǧary bılım ministrı Saiasat Nūrbek jauap qatty.
«Qūrmettı Dastan Quandyqūly, qazırgı uaqytta Almaty qalasynda ıs-sapardamyn. Sızdıŋ mäseleŋızdı baqylauyma aldym. Bügın universitet basşylyǧymen kezdesu ötkızemın jäne mäselenıŋ oŋ şeşıluı üşın at salysamyn. Bızdıŋ ministrlıktıŋ jäne menıŋ basty maqsatym är ūstaz ben studenttıŋ qūqyǧyn qorǧap, qoldau. Maǧan jekeme telefon nömerıŋızdı qaldyrudy sūraimyn», - dep jazǧan ministr.
«Adyrna» ūlttyq portaly
Ūqsas jaŋalyqtar
