Búgin Shymkent qalasy máslıhatynyń depýtattary Ál-Farabı aýdanynda atqarylyp jatqan jumystardyń barysymen tanysty. Aýdan ákimi Rashıd Myńbaev qurylysy qarqyndy júrip jatqan nysandardaǵy jumys barysyn baıandady.
Halyq qalaýlylary eń aldymen tómengi Otyrar shaǵynaýdanynyń 38, 40, 13/1 jáne 13/1 A aýlalarynda soǵylyp jatqan balalar alańshalaryna bardy. Búginde onda abattandyrý jumystary júrgizilýde. Atalǵan aýlalarda turǵyndardyń jaılylyǵy úshin oryndyqtar, bastyrma, qoqys jáshikteri, zamanaýı úlgidegi oıyn elementteri ornatylýda.
Sondaı-aq, máslıhat depýtattary demeýshi esebinen salynyp, mamyr aıynda paıdalanýǵa berilgen Álimbetov kóshesi 45 V mekenjaıda ornalasqan sport alańshasyn kórdi. Ál-Farabı aýdanynda Serik Tólbasovtyń demeýshiligimen jalpy 7 sport alańshasyn salý josparlanǵan. Onyń 4-i halyq ıgiligine berilse, 3-i kúz mezgilinde salynbaq.
Qalalyq máslıhat depýtattary Danabek Isabekov, Áıgerim Jumaǵulova, Qaırat Súleımenov jylytý maýsymyna daıyndyq jumystaryn tekserý maqsatynda «Qýatjylýortalyǵy-3» jylý qazandyǵyn da aralap kórdi. Jylytý qondyrǵylary men qazandyqtardyń tehnıkalyq jylytý júıesimen tanysty.
"Adyrna" ulttyq portaly
