Qala ákimi «Yntymaq» shaǵynaýdanyndaǵy aktıv májilisine qatysty

812
Adyrna.kz Telegram

Shymkent qalasynyń ákimi Murat Áıtenov «Yntymaq» shaǵynaýdany №54 mektepte ótken Prezıdent Joldaýyn nasıhattaý boıynsha Abaı aýdanynyń aktıv májilisine qatysty.

Memleket basshysynyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn talqylaý is-sharasynda zııaly qaýym ókilderi men ardagerler, máslıhat depýtattary, azamattyq qoǵam ókilderi, quqyq qorǵaý organdarynyń basshylary, jastar jáne buqaralyq aqparat quraldarynyń ókilderi bas qosty.

Jıynda M.Áýezov atyndaǵy Ońtústik Qazaqstan Ýnıversıtetiniń prorektory, doent Sáken Májinbekov Joldaýdyń negizgi baǵyttary boıynsha baıandama jasady.

Sonymen qatar, «Shymkent qus» JShS bas dırektory Ábilqasym Dosbolov, aýdandyq ardagerler keńesiniń tóraǵasy Ulyqpan Bashenov, №54 jalpy orta mekteptiń dırektory Ýǵlan Mameshova da óz oılaryn ortaǵa saldy.

Qala ákimi Joldaý mańyzdy mindetter júktegenin, ony iske asyrýda jumyla áreket etý kerek ekenin atap ótti.

– Joldaýda aıtylǵan 7 baǵytty qala kóleminde júzege asyrý boıynsha naqty sharalar qabyldanady. Prezıdent ekonomıkany ártaraptandyrýdy mindettedi. Osyǵan baılanysty qala ekonomıkasyn damytý maqsatynda kásipkerlikti qoldaýǵa 7 mlrd teńge baǵyttalyp, 2250 bıznes ókiline qoldaý kórsetiletin bolady. «Bıznestiń jol kartasy» boıynsha 1 myń joba qamtylady. Sheteldik ınvestorlardyń qatysýymen keminde 15 joba iske asady, 2 myń adam jumyspen qamtylady. Qujatta bilim sapasyn arttyrý jóninde naqty talaptar qoıylyp, ustazdardy qoldaý saıasaty jalǵasatyny aıtyldy. Shymkent qalasyndaǵy mektepterde 19 myńnan astam pedagog jumys istese, olardyń jalaqysy 2022 jyly taǵy 25 paıyzǵa ulǵaıady. Oqýshylardyń qosymsha bilimmen qamtylý kórsetkishin 80 paıyzǵa jetkizý kózdelgen, – dedi qala ákimi.

Sondaı-aq, shahar basshysy turǵyndardyń jaıly ómir súrýine jaǵdaı jasaý maqsatynda Abaı aýdanynda atqarylǵan jumystardan habardar etti.

Máselen, bıyl aýyz sý boıynsha 7 eldimekende qurylys jumystary bastaldy. Onyń ishinde 5 joba jyl sońyna deıin aıaqtalady.

«Qursaı» shaǵynaýdanyndaǵy aýyz sý júıesi 2022 jyly paıdalanýǵa beriledi. «Samal-1», «Samal-2» shaǵynaýdandarynda káriz júıesi qurylysy júrgizilýde.

Elektr qýatynyń sapasyn arttyrý boıynsha 5 nysannyń qurylysy bastaldy. Bul jumystar bıyl aıaqtalady.

"Adyrna" ulttyq portaly 

Pikirler