Shymkent qalasy Eńbekshi aýdany aýmaǵynda «Halyq qatysatyn bıýdjet» jobasy aıasynda kópqabatty 24 úıdiń aýlasynda abattandyrý, balalar oıyn alańshalaryn jańalaý jumystary júrgizilýde.
Atalǵan jumystar aýdan ákimi apparatynyń mamandary tarapynan kúndelikti turaqty baqylaýda.
Abattandyrý barysynda atalǵan mekemelerdiń ınjener-sarapshy mamandary oryn alǵan kemshilikterdi joıý boıynsha tıisti sharalar qoldanyp, qadaǵalaý jumystaryn turaqty júrgizip keledi.
Sala jaýaptylary turǵyndarǵa Eńbekshi aýdany aýmaǵyndaǵy aýlalardy abattandyrý jumystarynyń barysynda kemshilikterdi baıqap, anyqtaǵan jaǵdaıda aýdan ákimi apparatynyń 43-30-40 telefon nómirine nemese +7 708 326 10 58 WhatsApp nómirine habarlaýyn suraıdy.
"Adyrna"ulttyq portaly
