Shymkenttikter Azııa chempıonyn qarsy aldy

1075
Adyrna.kz Telegram

Qazaqstandyq sportshylar bokstan Dýbaıda ótken jastar men jasóspirimder arasyndaǵy Azııa chempıonatynda jalpykomandalyq esep boıynsha kósh bastady.

Elimizdiń qorjyny 19 altyn, 15 kúmis jáne 15 qola medalmen tolyqty. Júldegerlerdiń arasynda shymkent sportshylary 2 altyn men bir kúmisti qanjyǵasyna baılady.

Shymkenttikter bokstan Dýbaıda ótken jastar men jasóspirimder arasyndaǵy Azııa chempıonatynyń júldegerin asa qurmetpen qarsy aldy. 18 jastaǵy Abzal Serik 67 keli salmaqta Azııa chempıony atandy. Aqtyq márede qarsylasy ózbekstandyq sportshydan basym túsken Abzal bul jeti jylda jınaǵan tájirıbem jáne baǵyt-baǵdar bergen jattyqtyrýshylarymnyń eńbeginiń jemisi deıdi.

Abzal Serik, bokstan Azııa chempıony:»Qazaqstannan artyq el joq eken sony túsindik. Búgin mine qurmet kórsetken barsha jerlesterime, jattyqtyrýshym Qurban aǵaıǵa, meni tárbıelegen ata-anama alǵysymdy bildiremin. Alda eresekter arasynda  chempıonat ótedi. Soǵan ter tógemiz».

Qazaqstandyq boksshylar 19 altyn, 15 kúmis jáne 15 qola medalmen Azııa chempıonatynda jalpy komandalyq esep boıynsha birinshi oryndy jeńip aldy.

Erler komandasyndaǵy 8 sportshy altyn alsa, boksshy qyzdar 12 medaldi qanjyǵasyna baılady. Jerlesterimiz Dıana Maǵaýııaeva altyn medalge qol jetkizse, Dana Dıdaı kúmis medal ıegeri atandy.

Hamıdýlla  Sultanov, «Shymkent kásipqoı boks túrleri klýby» KMM dırektorynyń  oqý sport jónindegi orynbasary:»Qalalyq boks klýbynyń sportshylary Azııa chempıonatynda eki altyn jáne bir kúmis jeńip aldy. Mine Abzal 67 kelide. 75 keli salmaqta qyzymyz Dana Dıdaı , jáne joǵary salmaqta 80+80-de taǵy bir qyzymyz Dıana Maǵaýııaeva jeńiske jetti- Birinshi oryndy jeńip aldy».

17 -30 tamyz aralyǵynda bokstan ótken Azııa chempıonaty qazaqstandyq sportshylar úshin jemisti boldy. Jas býynnyń alda eresekter arasynda ótetin baıraqty báskelerde bıikten kórinetinine jattyqtyrýshalary senimdi.

"Adyrna" ulttyq portaly

Pikirler