Samat Erǵalıev mádenıet jáne sport mınıstrligi sport jáne dene shynyqtyrý isteri komıtetiniń tóraǵasy qyzmetine taǵaıyndaldy. Bul týraly premer-mınıstrdiń baspasóz qyzmeti habarlady, dep málimdeıdi "Adyrna" ulttyq portaly.
Samat Erǵalıev 1979 jyly Almaty oblysynda dúnıege kelgen.
Qonaev atyndaǵy Eýrazııalyq zań akademııasyn, Bóketov atyndaǵy Qaraǵandy memlekettik ýnıversıtetin bitirgen.
Eńbek jolyn 2004 jyly jeke kompanııada jabdyqtaý jónindegi menedjer laýazymynan bastady.
2012-2018 jyldary "Ulttyq shtattyq komandalar jáne sport rezervi dırekııasy" RMQK túrli laýazymdarda qyzmet atqardy.
2018-2020 jyldary "Sportty damytý dırekııasy" RMQK dırektory boldy.
2020 jyldyń sáýir-qarasha aralyǵynda "Nur-Sultan qalasynyń dene shynyqtyrý jáne sport basqarmasy" MM basshysynyń mindetin ýaqytsha atqarýshy; mindetin atqarýshy boldy.
2020 jyldyń qarashadan bastap qazirgi ýaqytqa deıin "Nur-Sultan qalasynyń dene shynyqtyrý jáne sport basqarmasy" MM basshysy boldy.
Aıta keteıik, buǵan deıin komıtetti qazaqstandyq sportshy, bokstan Olımpıada chempıony Serik Sápıev basqarǵan. 2021 jyldyń qazanynda ol óz erkimen jumystan bosatý týraly ótinish jazdy. Keıin Sápıev Ulttyq Olımpıada komıtetinde jumys isteıtinin habarlady.
"Adyrna" ulttyq portaly
