Bulanty eskertkishi

1771
OLYMPUS DIGITAL CAMERA
OLYMPUS DIGITAL CAMERA

Bulanty  shaıqasy bolǵan jerge qoıylǵan eskertkish Ulytaý óńirindegi Bulanty jáne Bileýti ózenderi aralyǵynda ornalasqan  XVIII ǵ. salynǵan eskertkish.

Saltanatty sherý sándi de kórikti reńimen kóz qyzyqtyrady.  Eń áýeli Bulanty-Bileýti ózenderi arasyndaǵy Úıtas qoınaýynda  bolǵan Bulanty shaıqasy qaharmandary qurmetine ornatylǵan eskertkish.

Tarıhshylardyń zertteýinshe, on segizinshi ǵasyr­da halqymyzdyń  basyna túsken iri náýbet  – «Aq­taban shubyryndy, Alqakól sulamanyń» aýyr apaty jeti jylǵa sozylǵan eken. Munyń úlken qasiret ákelgeni anyq. Qazaq handyǵynyń shyǵys jáne ońtústik óńirlerin basyp alǵan jońǵarlar baǵynyshty jerlerine bilgenin istep, ózi kúızelgen eldi adam  tózgisiz alym-salyq tóleýge májbúrlegen.

Talas pen Syrdarııa ózenderi boıyndaǵy qazaq ulystaryn oırandaǵan dushpandar endi Ulytaý jaqtaǵy keń dalaǵa kóz suǵyn qadaǵan. Osyndaı syn kezeńde birigip, basqynshy jaýǵa tize qosa qımyldaý maqsatynda 1726 jyly Badam ózeni mańyndaǵy Ordabasyǵa jınalǵan Ábilqaıyr, Ábilmámbet, Sámeke, Kúshik, Jolbarys handar men sultandar Tóle bı, Qazybek bı, Áıteke bı bastaǵan ár rýdyń bıleri men batyrlaryn shaqyryp, búkil qazaqtyń jıynyn ótkizedi.

Basqynshy jaýǵa toıtarys berý jaıy qyzý  talqylanyp, birikken maıdan qurýǵa anttasqan alqaly jıynda búkil qazaq jasaǵynyń bas qolbasshysy bolyp Ábilqaıyr han, sardar begi bolyp Qanjyǵaly Bógenbaı batyr saılanady.


   “Rýhanı jańǵyrý” baǵdarlamasy aıasynda

Qaraǵandy oblystyq mádenıet, muraǵat

jáne qujattama basqarmasy men “Adyrna”

ulttyq portalynyń birlesken jobasy

Pikirler