Shymkenttegi fılarmonııa ǵımaratynda elimizdegi tuńǵysh zaǵıp telejúrgizýshi retinde Qazaqstannyń KINES rekordtar kitabyna jáne «Altyn kitabyna» engen, arnaıy tósbelgi ıemdengen aqyn, «Ǵanı Muratbaev syılyǵynyń» ıegeri Erbek Bakıevtyń «Taǵdyryma tántimin» atty poezııalyq jyr keshi ótti. Táýelsizdiktiń 30 jyldyǵyna oraılastyrylǵan keshti QR mádenıet qaıratkeri Gúlbala Ábýova júrgizip, konertte aqynnyń óleńine jazylǵan ánder men jyrlary oryndaldy.
– Búgingi keshke jınalyp, qoldaý kórsetkenderińiz úshin kóp rahmet! «Anasy bar adamdar, eshqashan qartaımaıdy», keshime anamnyń da qatysyp otyrǵanyna sheksiz qýanyshtymyn, – degen E.Bakıev anasyna arnap jazǵan ánin oryndap, gúl shoqtaryn syılady.
Kesh barysynda aqynnyń ózi támamdaǵan «Úmit» mektep-ınternatynyń ujymy atynan Erbek Bakıevke alǵys hat tabystaldy. Sodan keıin Ferızat Izimbaeva, Nurjan Tórebaev, Baltash Eńsepbaev, Madına Ermahanova, Rústem Kenjeuly, Aınur Smandııarova, Baǵdáýlet Qural jáne «Úmit» mektep-ınternatynyń shákirtteri –Aqmaral Basymbek, Maqsat Janpeıisov sekildi talant ıeleri óner kórsetti. Sonymen qosa kesh barysynda kópshilik aqynnyń jyr kitabyn tamashalaýǵa múmkindik aldy.
