7 qaraşada Nūr-Sūltandaǧy eŋbek ministrlıgı aldyna bır top äiel zeinet jasyn tömendetudı talap etıp, aksiia ötkızdı, dep habarlaidy "Adyrna" ūlttyq portaly derekközge sıltep.
Olar "Qazaqstan Respublikasy täuelsızdıgınıŋ 30 jyldyǧyna orai äielderge raqymşylyq jariialansyn! Äielder būrynǧyşa 58 jasta zeinetke şyǧarylsyn!" degen jazuy bar plakattar ūstap tūrdy.
Narazy äielderdıŋ aksiiasyn ekı avtobusta otyrǧan arnaiy jasaq pen polisiia baqylady. Esıl audany äkımdıgınıŋ ökılı aksiianyŋ zaŋsyz ekenın bırneşe ret eskerttı.
Narazylyqqa qatysuşylardyŋ bırı Kenjeş Sembaeva aksiia turaly äkımdıkke aldyn ala habar bergenın, bıraq äkımdık rūqsat etpegenın aitady.
- Zaŋ boiynşa äkımdıkke eskerttık. Rūqsat bermese de şyqtyq, sebebı miting bolatyny turaly äleumettık jelıde habarlap qoiǧanbyz. Eluden astam adam keletın bolǧan. Polisiiany jeksenbıde jinalǧanymyz qatty alaŋdatqan tärızdı,- deidı ol.
Aksiiaǧa alty adam qatysyp, bır saǧatqa jetpei tarqady.
Äielderdıŋ zeinet jasynyŋ ūlǧaiǧanyna narazylyq bıldırgen būl top 1 qazanda da osyǧan ūqsas plakattarmen şyqqan edı. Ol joly eŋbek ministrlıgınıŋ ökılı arnaiy jūmys tobyn qūryp, äielder talabyn talqylaudy ūsynǧan.
Zeinet jasyn tömendetudı talap etken äielder qozǧalysyn ūiymdastyruşylardyŋ bırı Maiken Bekarystanova ötken aidaǧy uäde söz jüzınde qaldy deidı.
- Bızben ZOOM platformasynda ministrdıŋ bırınşı orynbasary Aqmadi Sarbasov kezdestı. Bıraq bızge söz bermei, özı söilep ketıp qaldy. Jūmys toby da qūrylmady. Parlamentke, būrynǧy prezident Nūrsūltan Nazarbaevqa, "Qazaqstan halyq partiiasyna" hat joldadyq. Tek eŋbek ministrlıgınen "zeinet jasy tömendemeidı" degen jauap aldyq. Küresımızdı toqtatpaimyz, -deidı Maiken Bekarystanova.
Qazaqstanda 2018 jyldan bastap erler men äielderdıŋ zeinet jasy teŋestırıle bastaǧan. Zaŋǧa säikes, 2027 jyldan bastap äielderdıŋ zeinet jasy jyl saiyn jarty jyldan köbeiedı. Būryn äielder 58 jasta şyqsa, endı 63 jasta şyǧatyn bolady. Al erler zeinetke būrynǧyşa 63 jasta zeinetke şyǧady.
"Adyrna" ūlttyq portaly
Ūqsas jaŋalyqtar
