Jezqazǧan qalasyndaǧy Kazahmys Energy JEO-da ırı ört boldy, tūrǧyn üiler men keŋse ǧimarattarynyŋ 40 paiyzy bırneşe saǧat boiy jaryqsyz qaldy, dep habarlaidy "Adyrna" ūlttyq portaly.
«Patriot» portaly jazǧandai, tötenşe jaǧdai 7 qaraşa künı saǧat 18:43-te bolǧan. Örttıŋ jalpy aumaǧy 100 şarşy metrdı qūrady.
Elektr sehynyŋ käbıldık edenındegı jaramsyz bolǧan plastikalyq şamdar, joǧary voltty basqaru kabelderı jäne bes tereze blogy örtenıp ketken. Qaraǧandy oblysy Tötenşe jaǧdailar departamentı Ört söndıru jäne avariialyq-qūtqaru jūmystary qyzmetınıŋ küşımen elektr sehynan jetı adam evakuasiialandy. Ört 20:11-de söndırıldı, — dep habarlady TJD baspasöz qyzmetı.Qūrbandar men zardap şekkender joq. Örttıŋ şyǧu sebebı anyqtaluda.
Tötenşe jaǧdaiǧa bailanysty Jezqazǧandaǧy tūrǧyn üiler men nysandarǧa elektr quatyn beru şekteldı – 30-40 paiyzdy aityp otyrmyz. Qalany elektr energiiasymen tolyq qamtamasyz etu üşın barlyq qajettı şaralar qabyldandy. Saǧat 22:00 şamasynda keibır üiler elektr jaryǧyna qosylyp, elektr quatynsyz qalǧan üilerdıŋ sany 15 paiyzǧa juyqtady. Qazırdıŋ özınde saǧat 23:00-de apatty jelılerden qaita qosu aiaqtalyp, barlyq tūtynuşylarǧa elektr quatyn beru qalpyna keltırıldı. Jylumen qamtu jüiesınde aqau bolǧan joq. Barlyq jylu magistraldary jūmys ıstedı jäne ädettegıdei jūmysyn jalǧastyruda», - dep habarlady Jezqazǧan qalasy äkımdıgınıŋ baspasöz qyzmetı.
"Adyrna" ūlttyq portaly
Ūqsas jaŋalyqtar
