10 mamyrǵa qaraǵan túni Petropavlda eki turǵyn úı men úsh sharýashylyq ǵımaraty órtendi. Órt sóndirýshiler tórt úıdegi órtti sóndirip úlgerdi. Bul týraly óńirdiń Tótenshe jaǵdaılar departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Órt sóndirýshilerdiń málimetinshe, Petropavl qalasynyń Qopaı shaǵynaýdanynda qamys órtengen. Jalyn turǵyn úılerge tarady.
«Saǵat 18:00 shamasynda qamys jana bastaǵan.Órt jaqyn ornalasqan jeke úılerge taraldy. Órtti sóndirýge jergilikti atqarýshy organdar men órt sóndirý qyzmeti jeke quramynan 31 adam jáne 12 birlik tehnıka jumyldyryldy. Úsh gaz ballony evakýaııalandy. Qaza tapqandar men zardap shekkender joq. Kirme joldardyń tarlyǵynan jáne jeke sektor qurylysynyń tyǵyzdyǵynan órtti sóndirý kúrdelene tústi. Órt sóndirý qurylystarynyń aýdany — 173 sharshy metr, qamys — 500 sharshy metr. Órttiń shyǵý sebebi anyqtalyp jatyr», – dep habarlady TJD.
Aıta keteıik, keshe Qostanaıdaǵy iri órtten 11 turǵyn úı zardap shekken bolatyn. Munda da órttiń shyǵý sebebiniń biri Tobyl jaǵalaýyndaǵy qamystyń janýy edi.
”Adyrna” ulttyq portaly
