Búgin Aqparattyq-kommýnıkaııalyq ortalyǵynda QR Memlekettik qyzmet isteri agenttiginiń Shymkent qalasy boıynsha departamentiniń basshysy Álı Kómekbaev jáne QR Prezıdenti janyndaǵy Memlekettik basqarý akademııasy Shymkent qalasy boıynsha fılıalynyń dırektory Ádilet Nysanbaevtyń qatysýymen brıfıng ótti.
Baspasóz májilisinde Álı Amantaıuly Prezıdenttik jastar kadr rezervine irikteý týraly aıtty.
– Memleket basshysynyń tapsyrmasyna sáıkes, Prezıdent janyndaǵy jastar kadr rezervi jónindegi Ulttyq komıssııa rezervke jáne ony ótkizý josparyna qatysty irikteý tártibin bekitti. Iaǵnı, osy jyldyń 1 qyrkúıeginen bastap rezervke kezekti irikteý bastalady. Onyń qorytyndysy boıynsha memlekettik sektor úshin 50 rezervshi irikteledi. Negizgi talaptar: azamattyǵy, jasy, bilimi jáne jumys ótili, – dedi departament basshysy.
Spıkerdiń sózinshe, konkýrsqa qatysýǵa 35 jastan aspaǵan, joǵary bilimi jáne keminde bes jyl eńbek ótili bar QR-nyń azamattary jiberilmek. Bul irikteýdiń aldyńǵy irikteýden aıyrmashylyǵy – rekrýtıng proesi talap etiletin bilimdi, daǵdylardy anyqtaýǵa ǵana emes, sonymen qatar, kandıdattardyń shynaıy motıvteri men olardyń qundylyq baǵdarlaryn baǵalaýǵa baǵyttalǵan.
Brıfıng barysynda Ádilet Ádilbekuly Rezervke alý úshin úmitkerlerge ótý kerek kezeńderdi málimdedi.
– Rezervke alý úshin úmitkerlerge birneshe júıeli kezeńderden ótý kerek. Olar: kandıdattardyń qujattaryn qabyldaý, sandyq jáne mátindik aqparatpen jumys isteý qabiletin baǵalaý, sıtýaııalyq tapsyrmalardy sheshý, quzyretterdi baǵalaý, saraptamalyq komıssııada qatysýshylarmen áńgimelesý, kadr rezervi jónindegi ulttyq komıssııada qatysýshylardyń kandıdatýralaryn qaraý. Kóptegen kezeń onlaın rejıminde ótedi. Alǵashqy eki bloktan ótý nátıjeleri boıynsha úmitkerlerdi baǵalaý verıfıkaııalaýǵa jiberiledi. Iaǵnı, nátıjeler rastalady. Testileýdi verıfıkaııalaýǵa eń joǵary nátıje kórsetken 1 000 kandıdat jiberiledi, – dedi fılıal dırektory.
Ádilet Nysanbaevtyń aıtýynsha, «quzyretterdi baǵalaý» kezeńine 250 adam, al kelesi Sarapshylyq komıssııada áńgimelesýge joǵary kórsetkishtegi 100 kandıdat jiberilmek. Sarapshylyq komıssııa otyrysynyń qorytyndysy boıynsha Ulttyq komıssııanyń otyrysynda qaraý úshin usynylatyn 65 kandıdattan aspaıtyn tizim qurylmaq. Ulttyq komıssııa otyrysynyń qorytyndysy boıynsha Prezıdenttik jastar kadr rezervine 50-den aspaıtyn kandıdatty qabyldaý týraly sheshim qabyldanady.
Eskertetin jaıt, bıylǵy jastar Prezıdenttik kadr rezervine irikteýdiń jańashyldyǵynyń biri úmitkerlerge memlekettik tildi bilý deńgeıin rastaıtyn qujat talap etiledi. Úmitkerlerge memlekettik tildi bilýdi rastaıtyń Kaztest nemese Qazaq resmı test sertıfıkattary bolýy shart.
Aıta keteıik, Kaztest oflaın formatta ótýi qajet bolsa, Qazaq resmı testi úmitkerler ózderine yńǵaıly ýaqytta onlaın tapsyra alady. Ol úshin veb kamerasy, mıkrofony jáne ınterneti bar kompıýter bolýy kerek. Sondaı-aq, Prezıdenttik jastar kadr rezervine irikteýge qatysatyn úmitkerler úshin 13–25 qyrkúıek aralyǵynda QAZAQ RESMI TEST-ke daıyndyq kýrstary uıymdastyrylady. Tegin onlaın kýrs saǵat 19:00-den 21:00-ge deıin Akademııanyń YouTube arnasynda ótedi. Aqyly kýrstar saǵat 13:00-den 14:30-ǵa deıin Teams platformasynda (aldyn ala tirkelý qajet) ótedi.
Eske salsaq, Prezıdenttik rezervke irikteý boıynsha tolyq aqparatty «pkrezerv.gov.kz» saıtynan alýǵa bolady. Rezervte bolý merzimi 3 jyldy quraıdy.
Shymkent qalasynyń Aqparattyq-kommýnıkaııalyq ortalyǵy
Foto: Ernar Mamyr
