Búgin Aqparattyq-kommýnıkaııalyq ortalyǵynda Shymkent qalalyq Bilim basqarmasynyń basshysy Janat Tájıevanyń qatysýymen brıfıng ótti.
Baspasóz májilisinde Janat Arysbekqyzy jańa oqý jylynyń bastalýy týraly sóz qozǵady.
– Bıylǵy oqý jylynda qalada bilim berý uıymdary 17-ge artyp, 785 mekemede 350 myńǵa jýyq bilim alýshymen bastalǵaly otyr. Onyń ishinde 1-synypqa 25 005 bala qabyldandy. Mektep tabaldyryǵyn attaǵan bul búldirshinderge «Álippe» oqýlyǵy tabystalady. Osy oraıda alǵashqy qońyraý merekesi mektep aýlasynda ótedi. Al oqýshylar jańa oqý jylyn dástúrli formatta bastaıdy. Bul rette mektep formasyna qoıylatyn talaptar saqtalady. Biraq bilim ordasyna klassıkalyq stıldegi yńǵaıly kıimmen kelýge de ruqsat etiledi. Aıta ketetin jaıt, bıyl mektep formasy úshin bir rettik qarjylaı kómek 30 000 teńge kóleminde 57 466 balaǵa berildi, – dedi basqarma basshysy.
Brıfıngte belgili bolǵandaı, qaladaǵy bilim uıymdarynda kúndelikti termometrııa, kvartaý, jeldetý, dezınfekııa jáne betperde rejımi saqtalady. Al barlyq bilim uıymynda «Ashyq» jobasy tolyq qosylǵan. Osy oraıda pedagogter men tehnıkalyq personaldar 100% (medıınalyq qarsy kórsetilimderi bar adamdardy qospaǵanda) vakına alǵan.
Spıkerdiń sózinshe, bilim alýshy aýyrǵan jaǵdaıda synyp qashyqtyqtan oqytýǵa jiberilmek. Naýqas jáne baılanysta bolǵan ata-analar jaǵdaıynda balalar qashyqtyqtan bilim alady. Sondaı-aq, «bir synyp – bir kabınet» talaptary saqtalady.
Sonymen qatar, Shymkent qalasynyń mektepterindegi jalpy kompıýter sany – 56 746 dana. Qazirgi tańda qala boıynsha mektepterde orta eseppen 1 kompıýterge keletin oqýshy sany 4-ti quraıdy. Al búginde beınebaqylaý, týrnıket jáne dabyl batyrmalaryn ornatý jumystary júrgizilýde.
Aıta keteıik, úshinshi megapolıste 2021-2022 oqý jylynda mektepterdi jańa modıfıkaııalanǵan jabdyqtarmen qamtamasyz etý maqsatynda 263 kabınet, 178 ınteraktıvti taqta (50-fızıka, 95-hımııa, 82-bıologııa, 13-STEM, 23-robototehnıka kabınetterin) ornatý jumystary júrgizilýde. Nátıjesinde, jańa modıfıkaııalanǵan jabdyqtarmen qamtylǵan pán kabınetter úlesi 62,5 paıyzdy quramaq.
Shymkent qalasynyń Aqparattyq-kommýnıkaııalyq ortalyǵy
Foto: Ernar Mamyr
Janat Tajıeva Shymkent Qalasynyń Bilim Basqarmasy Baǵlan Oralhanuly
