Búgin Aqparattyq-kommýnıkaııalyq ortalyǵynda Shymkent qalalyq Densaýlyq saqtaý basqarmasynyń basshysy B.Pozılovtyń qatysýymen brıfıng ótti.
Baspasóz májilisinde basqarma basshysy qaladaǵy epıdemıologııalyq ahýaldyń kúrdeli ekenin aıtyp, turǵyndardy jalǵan aqparattardyń jeteginde ketpeýge shaqyrdy.
– Qazirgi tańda Shymkent qalasy «qyzyl» aımaqta. Qaladaǵy epıdahýal turaqsyz. Turǵyndarǵa aıtarym: saqtanyp júrińizder. Kovıd juqtyryp, emhanaǵa túsip jatqan adam sany azaımaı otyr. Dárigerdiń hattamasymen ǵana emdelińizder. Ózdiginen emdelýdiń saldarynan naýqastyń kóbisi emhanaǵa aýyr halde jetkizilip jatyr. Sol sebepti asqynǵan aýrýdy emdeý nátıjesin bermeýde. Al jalǵan aqparattarǵa aldanyp, antıvakerlerge senbeńizder. Osy oraıda, ekpe jaıly qarsy pikir (antıvakerler) bildirýshilerdi erikti bolyp, mán-jaıdyń barysyn birge baqylap kórýge shaqyramyn. Bul rette dárigerler kúndiz-túni janyn salyp dertpen kúresýde. Qurmetti qala turǵyndary, vakına qabyldańyzdar. Aýrýdyń aldyn alýǵa bárimiz bir kisideı atsalysaıyq! – dedi Baqytjan Joldasbekuly.
Spıkerdiń sózinshe, qazirgi tańda úshinshi megapolıste 7 397 naýqas emdelip jatyr. Onyń ishinde 4 809 naýqas úı jaǵdaıynda ambýlatorlyq, 2 588 naýqas staıonarda em qabyldaýda. Al ótken táýlikte COVID-19 ınfekııasyn juqtyrýdyń 535 jaǵdaıy tirkelgen.
Sonymen qatar, ekpe alý boıynsha Shymkent shahary elimiz boıynsha 1-orynda tur. Búgingi tıisti kontıngenttiń (536 000 adam) 1-komponenti 70,2%, 2-komponenti 54 paıyz vakınaııalanǵan.
Aıta keteıik, qala ákimdigi janynan ashylǵan «call-center» táýlik boıy jumys jasaýda. Al qaladaǵy bıznes sýbektileri úshin «Ashyq» jobasy iske qosylǵan.
Shymkent qalasynyń Aqparattyq-kommýnıkaııalyq ortalyǵy
Foto – Serik Qosaev
