Tarıhı-ólketaný murajaıy ǵımaratynda Qazaqstan halqy Assambleıasy janyndaǵy Analar keńesiniń kezekti otyrysy ótti. Jıynda QHA Analar keńesiniń tóraıymy Nazıpa Shanaı Memleket basshysynyń QHA Keńesinde bergen tapsyrmalarynyń oryndalý barysy týraly aıtty.
Sondaı aq, qoǵamdaǵy analardyń róli men jaýapkershiligi jáne urpaq tárbıesi týraly qalalyq isker áıelder qaýymdastyǵynyń tóraıymy Elmıra Sozaqbaeva baıandasa «Sana-sezim» úkimettik emes uıymynyń qyzmetkeri Shahlo Iýsýpjanova jáne Qarataý aýdandyq Analar keńesiniń tóraıymy Zýlfııa Bekmýrzaeva ózekti máseleler tóńireginde sóz qozǵady.
Otyrys sońynda aıtylǵan oı-pikirlerdi saralap, Prezıdent júktegen tapsyrmalardy úshinshi megapolıs aýmaǵynda júıeli iske asyrý týraly pikir almasty.
Shymkent qalasy QHA janyndaǵy Analar keńesi – otbasy jáne ana ınstıtýttaryn nyǵaıtý arqyly qoǵamdyq kelisim men el birligin qamtamasyz etýdegi Qazaqstan halqy Assambleıasy maqsattaryn iske asyrýǵa járdemdesý jáne otbasylyq qundylyqtardy dáripteý maqsatynda qoǵamdyq negizde áreket etedi.
Shymkent qalasy ishki saıasat jáne
jastar isteri jónindegi basqarmasynyń
«Qoǵamdyq kelisim» KMM dereginshe, búginde Shymkentte túrli deńgeıde 13 Analar keńesi (qalalyq – 1, aýdandyq – 4, etnomádenı birlestikter janynda – 8) bar. Atalǵan keńesterge 117 ana múshe.
Aıta keteıik, qala aýmaǵyndaǵy Analar keńesteri jyl basynan beri 87 is-shara ótkizip, bilim mekemeleri men turǵyn alaptarda 52 kezdesý, túsindirý jumystaryn júrgizdi.
«Adyrna» ulttyq portaly
