Resei men Qazaqstannyŋ qarym-qatynasy airyqşa odaqtastyq sipatqa ie. Bıraq Mäskeu respublikadaǧy ūltşyldyq mäselesı boiynşa artyq ketken kez kelgen jaǧdaidy mūqiiat qadaǧalaidy. Būl turaly Resei syrtqy ıster ministrlıgınıŋ resmi ökılı Mariia Zaharova aitty, dep habarlaidy “Adyrna” ūlttyq portaly Stan.kz aqparat agenttıgıne sılteme jasap.
Lenta.ru basylymynyŋ jazuynşa, Resei Qazaqstan prezidentı Qasym-Jomart Toqaevtyŋ ūltşyldyqqa qarsy “nöldık tözımdılık” qaǧidasyn ūstanu kerektıgın aitqan sözderın tolyq qoldaidy. Diplomat tılge qatysty qandai da bır aqparat taratatyn tūlǧalardyŋ äreketterı qazaqstandyq bilık tarapynan jauapsyz qalmaitynyn aitty.
"Bız Qazaqstan basşylyǧymen ärqaşan bırge qimyldaimyz. Ūltşyldyq körınısterdıŋ aldyn ala otyryp, olarǧa erekşe män beretın bolamyz. Sondai-aq, būl mäselenıŋ şeşımı üşın bırlesıp küş-jıger jūmsaitynymyzǧa eşqandai kümän bolmauy tiıs", — dep atap öttı Zaharova.Ol Resei men Qazaqstan tyǧyz äleumettık-mädeni bailanystarǧa ie bolǧandyqtan, ekı eldıŋ jastarymen atauly mäselege qatysty jūmys jürgızu boiynşa barlyq yqtimal qūraldar men resurstardy paidalanu qajettıgın atap öttı. 21 qazanda prezident Qasym-Jomart Toqaev Qazaqstan halqy Assambleiasy keŋesınıŋ keŋeitılgen otyrysynda atqaruşy bilık organdary men prokuraturadan etnikalyq negızdegı qaqtyǧystardyŋ jäne qoǧamdyq tärtıptı būzuǧa baǧyttalǧan özge de äreketterdıŋ jolyn kesudı talap ettı. Ol sondai-aq mūndai oqiǧalarǧa “nöldık tözımdılık” tanytuǧa şaqyrdy. Qazaqstanda tıldık reidter jürgızılgen bolatyn. Olardyŋ barysynda belsendıler dükender men memlekettık mekemeler qyzmetkerlerınıŋ qazaq tılı bılımın tekserıp, kamerada orys tıldı azamattardan keşırım sūratqan.
”Adyrna” ūlttyq portaly
Ūqsas jaŋalyqtar
