Belgısız jaǧdaida köz jūmǧan qaraǧandylyq äieldıŋ tuystary toqtap qalǧan qylmystyq ıstı qaita qozǧaudy sūraidy. Toǧyzqūdyq auylynyŋ tūrǧyny Oktiabr Balbidıŋ mäiıtı byltyr auyl syrtynan tabylǧan, dep habarlaidy “Adyrna” ūlttyq portaly Astana arnasyna sılteme jasap.
Iаǧni, Oktiabrdıŋ qaiyn jūrty tıptı balalardy da naǧaşylaryna körsetpeitın körınedı.
8 ai boiy ızdeude bolǧan Toǧyzqūdyq auylynyŋ tūrǧyny 35 jastaǧy Oktiabr Balbidıŋ denesı ötken säuırde auyldan 10 şaqyrym jerden tabylǧan bolatyn. Küieuı Saiat Jamanbaev aldymen äielın joǧaldy dep ötırık aityp, 4 aidan keiın baltamen şauyp öltırgenın moiyndaǧan. Osy uaqytta kämeletke tolmaǧan 4 balasyn notarius arqyly äpkesınıŋ atyna jazdyryp ketken. Söitıp polisiiaǧa berıletın künı qorasynda asylyp qalady. Osylaişa "küdıktı öldı" degen sebeppen ıs jabylǧan.
“Qylmystyq ıs küdıktınıŋ ölımıne bailanysty toqtatyldy. Sotqa deiıngı tergeu barysynda tiıstı şaralar jürgızıldı. Oktiabr Balbidıŋ ölımıne tuystarynyŋ qatysy bar ekenın däleldeitın aiǧaqtar rastalǧan joq”, – deidı Qaraǧandy oblystyq PD bastyǧy Erlan Faizullin.
Alaida marqūmnyŋ äpkesınıŋ aituynşa sıŋlısınıŋ ölımıne qatysy bar qaiyn jūrty bostandyqta jür. Olar äieldıŋ denesın tez arada jasyruǧa kömektesken.
“Jamanbaevtyŋ tuystaryna qatysty köptegen adamdar tergelmei, bettestıruge kelmei qaldy. Bız prokuraturadan ıstı qaita saraptap, uaqytyn ūzartyp berudı sūraimyz. Menıŋ sıŋlım Balbi Oktiabrdı Jamanbaev Saiat jalǧyz öltırdı degenge senbeimız. Sebebı qysqa uaqyttyŋ ışınde adamdy öltırıp bırneşe saǧattyŋ ışınde 12 şaqyrym jerge aparyp kömıp tastady. Sıŋlımnıŋ basy 8 jerden baltalanǧan. Sol uaqytta şaşyraǧan qandy kım judy? Būǧan kömektesken adam bar dep esepteimız”, – deidı marqūmnyŋ äpkesı Sairan Balbi.
Oktiabr Balbidıŋ 4 kämeletke tolmaǧan balasy qazır äkesınıŋ äpkesınde. Balalardy erıkterınen tys notarius arqyly ǧana iemdenıp alǧan äiel olardy naǧaşylarymen kezdestırmeitın körınedı. Marqūmnyŋ tuystarynyŋ aituynşa, balalar teperışte, taiaq jep jür. Alaida audandyq qamqorlyq bölımı būl jaǧdaiǧa män bermei otyr deidı.
“Balbi Oktiabrdıŋ artynda kämeletke tolmaǧan 4 balasy qaldy. Osy balalardy ıske qatysy bar degen Baiahmetova ūstap otyr. Sıŋlım qaitys bolǧanyn bılmei jatyp 10 künnıŋ ışınde qūjattandyryp alǧan.Naǧaşylary balalardy köruge barǧan kezde bızdı sotqa berdı. Sot jäne bala qamqorşylyq ūiymynan balalardy naǧaşylarymen kezdesıp tūruǧa mümkındık jasap şeşım şyǧaryp berse dep talap etemız”, – deidı marqūmnyŋ äpkesı.
Oktiabr Balbidıŋ tuystary jienderı üşın qatty alaŋdaidy. Ata-anasyz qalǧan büldırşındermen aralasu mümkın bolmaǧan soŋ sotqa şaǧymdanǧan. Jaǧdaiǧa qūzyrly qamqorlyq organdary aralasyp, balalarǧa otbasyn taŋdau qūqyn berudı sūraidy.
“Adyrna” ūlttyq portaly.
