Oral qalasynda 3 jasar qyzyn 1 mln teńgege "satty" delingen Qaraqalpaqstan turǵyny ustaldy, dep habarlady "Adyrna" ulttyq portaly astanatv.kz-ke silteme kórsetip. Áıeldiń buǵan deıingi perzentin de saýdaǵa salyp, oń-colyn tanyp bilmegen shaǵynda satyp jibergeni aıtylady.
Oral qalasynda óz balasyn satqan Qaraqalpaqstan Respýblıkasynyń 31 jastaǵy turǵyny ustaldy.
- Jas áıeldiń 2018 jáne 2019 jyly týǵan eki balasyn satqany anyqtaldy. Birinshi fakt 2018 jylǵy maýsymda oryn alǵan. Áıel jańa týǵan balasyn Atyraý oblysyndaǵy bir otbasyǵa zańsyz jolmen asyrap alýǵa bergen. Al ekinshi fakt 2022 jylǵy jeltoqsanda bolǵan. Bul joly ol óziniń úsh jasar qyzyn 1 mln teńgege Oraldaǵy jupqa satqan.
Bul faktiler negizinde Qylmystyq kodekstiń 135-baby boıynsha is qozǵaldy», – dedi IIM ókili Shuǵyla Turlybek.
"Adyrna" ulttyq portaly
