Europalyq qaita qūru jäne damu bankı (EQQDB) Moŋǧoliiada qūrylǧannan berı eldegı 116 jobaǧa 2,2 milliard dollardan astam investisiia saldy. Būl turaly Ortalyq Aziia boiynşa basqaruşy direktory Jujanna Hargitai bastaǧan EQQDB delegasiiasymen kezdesude Prezident U.Hürelsuh mälımdedı, dep habarlaidy "Adyrna" ūlttyq portaly.
Kezdesu barysynda taraptar Moŋǧoliia men EQQDB arasyndaǧy ekologiia, jasyl damu, infraqūrylym, jaŋartylatyn energiia közderı jäne biznes salasyndaǧy yntymaqtastyqty keŋeitu mümkındıkterın talqylady.
Hargitai hanym Moŋǧoliia men EQQDB arasyndaǧy bolaşaq yntymaqtastyǧy negızınen sifrlandyru, jasyl ekonomika, auyldy damytu jäne jas käsıpkerlerdı qoldau siiaqty salalarǧa baǧyttalatynyn atap öttı. EQQDB täjıribe almasuǧa jäne klimattyŋ özgeruıne qarsy küres, atap aitqanda dekarbonizasiia salasynda naqty zertteuler jürgızuge daiyn ekenın bıldırdı.
Klimat pen jasyl damudyŋ jahandyq mäsele ekenıne toqtalǧan Prezident U.Hurelsuh Moŋǧoliia jalpy ışkı önımnıŋ kem degende bır paiyzyn qorşaǧan ortaǧa jūmsau saiasatyn jüzege asyryp, bır milliard aǧaş otyrǧyzu nauqanyn bastaǧanyn aitty. Ol Prezidenttıŋ ıs-şaralar jospary, Ükımettıŋ ıs-şaralar jospary jäne «Közqaras 2050» ūzaq merzımdı baǧdarlamalyq qūjaty «TDM 2030» baǧdarlamasyna säikes keletının atap öttı.
Memleket basşysy kezdesude talqylanǧan jobalar men baǧdarlamalardy jüzege asyru üşın EQQDB-men barlyq aspektıde yntymaqtasuǧa, qorşaǧan ortany qorǧau salasyndaǧy, atap aitqanda, şöleittenu men şaŋdy dauylmen küreste yntymaqtastyqty keŋeituge daiyn ekenın bıldırdı.
"Adyrna" ūlttyq portaly
Ūqsas jaŋalyqtar
