Qala halqyn azyq-túlikpen tolyqqandy qamtamasyz etý ári sapaly ónimdi óndirý mańyzdy maqsattyń biri. Barlyq resýrstardy nazarǵa alsaq, Qazaqstan agroónerkásiptik keshendegi áleýeti joǵary memleket retinde esepteledi. Shymkent qalasynyń aýyl sharýashylyǵy jáne veterınarııa basqarmasy qala halqyn azyq-túlikpen qamtý týraly málimdedi. Aıtýlarynsha shymkent áleýmettik mańyzy bar azyq-túlik taýarlarynyń 4 túri boıynsha ózin-ózi qamtamasyz etip otyr.
Statıstıkaǵa súıensek, Shymkent qalasynyń halqy bir jylda birinshi surypty unnan – 14 256 tonna, qalypty bólke nannan – 77 529, qaraqumyq jarmasynan – 2 193 tonna tutynady. Odan bólek, 9 321 tonna- kúrish, 104 177 tonna –kartop jáne sábiz ben jýadan – 21 932 tonna satyp alady. Al, kúnbaǵys maıynan jylyna – 7 676 tonna qajet eken. Aıtyp óteıik munyń barlyǵy áleýmettik mańyzy bar azyq-túlikter. Jalpy alǵanda bul sanattaǵy ónimderiniń tizimine 19 túrli azyq-túlik ónimi kiredi. Qolda bar málimetke súıensek megapolıs 4 túrli taýar ónimimen ıaǵnı, birinshi surypty un, rojkı, kúnbaǵys maıy jáne taýyq jumyrtqasymen ózin 100 júz paıyz qamtı alady. Al sút ónimderimen – 50 paıyzǵa, taýyq etimen – 41, sıyr etimen – 65 paıyzǵa jáne kókónis ónimderimen – 10-15 paıyzǵa qamtamasyz etýge qaýqarly.
Mamandar tuz, qaraqumyq jarmasy, kúrish jáne sheker sekildi azyq-túlik taýarlarynyń qalamyzda óndirilmeýine baılanysty olar kórshiles oblystardan jáne shet memleketterden tasymaldanatynyn aıtyp otyr. Sonymen birge olar qalada áleýmettik mańyzy bar azyq-túlik taýarlarynyń qory, taýar óndirýshilerdi, qoımalar men saýda nysandaryn qosqanda jetkilikti jáne de tapshylyq boıynsha eshqandaı qaýip joq ekenin málimdedi.
