Qazaqstandyq bılım berude mektep basşylary alǧaş ret arnaiy özderıne jäne olardyŋ käsıbi damuy men köşbasşylyǧyna arnalǧan taqyryptyq forumda bas qosty. NIS Pedagogikalyq şeberlık ortalyǧy Astanada tört jüzden astam direktordy bırıktırdı, alty jüzden astam direktor elımızdıŋ barlyq öŋırlerınen onlain qosyldy. Ekı kün boiy olar tabysqa jetu strategiiasynda jeke jäne komandalyq basymdyqtardy anyqtady.
«Bılım berudegı özgerısterdıŋ 1000 köşbasşysy» kadrlyq rezervtı daiyndau jönındegı prezidenttık baǧdarlamanyŋ alǧaşqy tülekterı halyqaralyq intensivtıŋ negızgı delegattary atandy. Olardyŋ barlyǧy Pedagogikalyq şeberlık ortalyǧynda oqularyn aiaqtap, mamandyqqa jaŋa qadam jasauǧa daiyn.
Oqu-aǧartu ministrlıgınıŋ Orta bılım beru komitetınıŋ töraǧasy Qanybek Jūmaşev pen «Nazarbaev Ziiatkerlık mektepterı» DBBŪ Basqarma töraǧasy Änuar Janǧozin intensivtıŋ aşylu saltanatynda prezidenttık kadrlyq rezervtı daiyndau boiynşa auqymdy baǧdarlamanyŋ bıregeilıgın erekşe atap öttı.
Baǧdarlama otandyq bılım berudıŋ top-menedjerlerıne arnalǧan eŋ özektı jäne kreativtı formattardy qamtidy: «Qalai tabysqa jetuge bolady?» keis-sessiialary, emosionaldy qūzyrettılık boiynşa kreativtı praktikum, mekteptegı Talent-Management boiynşa «Mūǧalımderdı şabyttandyramyz» forsait-sessiiasy, ata-analar, oquşylar jäne mektep basşylaryna arnalǧan ūjymdyq diskussiia, «Sifrlyq menedjmentke arnalǧan qūraldar» Digital-sessiia jäne basqalary.
Şeteldık täjıribelerdı «360-mekteptıŋ» teŋ direktory, britandyq bılım berudı zertteu qauymdastyǧy keŋesınıŋ müşesı Sara Seleznev, Tallin ǧylymi mektebınıŋ basşysy, Estoniia mūǧalımderı odaǧynyŋ töraǧasy Medis Somelar, Singapurdaǧy Arbinger institutynyŋ qauymdastyrylǧan keŋesşısı Saras Menon tanystyrdy. Olardyŋ barlyǧy jahandyq pedagogikadaǧy strategiialyq jäne jūmys algoritmderı bır ekenın jäne köşbasşylardyŋ negızgı baǧdary köp jaǧdaida ūlttyq bılım beru jüiesıne emes, köşbasşylardyŋ jeke standarttaryna bailanysty ekenın rastady.
Täjıribe üşın öte qyzyqty jäne maŋyzdy taqyryptar. Men köptegen paidaly aqparattardy bıldım jäne alǧan bılımımdı täjıribede sättı qoldana alamyn dep oilaimyn. Ärtürlı elderden kelgen ärıptestermen tanysqanyma, olardyŋ oqytu ädısterı men täjıribesıne öte quanyştymyn. Maǧan seminardaǧy jūmys qarqyny, öz pıkırın bıldıru, täjıribe almasu mümkındıgı, seminar barysynda ärıptester arasyndaǧy jyly atmosfera qatty ūnady, – deidı Eskeldı audany Qarabūlaq orta mektep direktorynyŋ oqu ısı jönındegı orynbasary Aigül Kosahbaeva.«Bılım berudegı köşbasşy baǧdary» – Pedagogikalyq şeberlık ortalyǧynyŋ mektep basşylarynyŋ kadr rezervın daiyndau jäne mūǧalımder men mektep basşylarynyŋ bılıktılıgın arttyrudaǧy auqymdy jūmysynyŋ qisyndy jalǧasy.
