Qara násildi jigitke turmysqa shyqqan qazaq qyzy kúıeýimen qalaı tanysqanyn aıtyp berdi

20036
Adyrna.kz Telegram

Uzatý toıy jelini shýlatqan atyraýlyq Zaıda Jańabaeva afrıkalyq kúıeýimen qalaı tanysyp, ne úshin turmysqa shyǵýǵa sheshim qabyldaǵanyn aıtty, dep habarlaıdy "Adyrna" ulttyq portaly. 

- Bizdiń qalaı tanysqanymyz kópshilikti qyzyqtyryp jatyr eken. Eger sizder oqýǵa erinbeseńizder, aıtyp bereıin. Vahtalyq ádispen jumys jasaı júrip (28 kún jumys, 28 demalys) Atyraýdaǵy oqý ortalyǵynda aǵylshyn tilinen sabaq berdim. Meniń sabaǵym 18:00-de aıaqtalady, al onyń sabaǵy 18:00-de bastalatyn.  Men prınterdiń janynda turyp, kóz qıyǵymmen onyń resepshnda kabınet kiltin kútip turǵanyn baıqadym. Ol kúlimsirep «helloý» dedi, al men «haı» dep jaýap berdim. Sosyn ózimshe bolyp ketip qaldym. Kelesi kúni de ony kórdim, osylaısha, birneshe kún boıy jalǵasty. Birde menedjerimiz oqytýshylarǵa arnalǵan ortaq chat ashty. Sol kezde ol meniń jekeme jaza bastady. Men taǵy da ózimshe bolyp, «sálem», «saý bol», «mmm», «ok» dep júrdim.

Sóıtip júrgende bálen jyl ótip ketedi. Baıǵus bala jazyp, jazyp qoıdy.

- Koronavırýs bastaldy. Men 14 kún oqshaýlanýdamyn. Túsinikti bolý úshin aıta keteıin. Teńizdegi oqshaýlaý kezinde bir bólmede, tórt qabyrǵada jalǵyz otyrasyń. Saǵan bir mınýttan asa esikten shyǵýǵa, esikten basyńdy shyǵarýǵa da bolmaıdy. Óıtkeni, dálizdegi beınejazba arqyly birden basshylyqqa hat ketedi. Ne isterimdi bilmeı, barlyq vıdeolar men fılmderdi kórip tastadym.

Ol maǵan qaıtadan jazyp, teńizde aýrýdyń qaıta órship jatqanyn aıtyp, ózińdi kútip júr dep jazdy. Keıin ol telefon soǵýǵa ruqsat alyp, tańǵa deıin áńgime aıtatynbyz. Ol sondaı ázilqoı. Osylaısha, eki aı boıy onlaın aralastyq. Teńizden kelgen soń da kezdesýge birden kelisim bergen joqpyn. Ol myńynshy ret kezdesýge shaqyryp, áıteýir, kelistim. Kezdeskenimizge 7-8 aı tolǵan soń, ol maǵan qoly men júregin usynyp, úılenýge usynys jasady», - dep jazdy Zaıda. 

"Adyrna" ulttyq portaly

Pikirler