ۇزاتۋ تويى جەلىنى شۋلاتقان اتىراۋلىق زايدا جاڭاباەۆا افريكالىق كۇيەۋىمەن قالاي تانىسىپ، نە ءۇشىن تۇرمىسقا شىعۋعا شەشىم قابىلداعانىن ايتتى، دەپ حابارلايدى "ادىرنا" ۇلتتىق پورتالى.
- ءبىزدىڭ قالاي تانىسقانىمىز كوپشىلىكتى قىزىقتىرىپ جاتىر ەكەن. ەگەر سىزدەر وقۋعا ەرىنبەسەڭىزدەر، ايتىپ بەرەيىن. ۆاحتالىق ادىسپەن جۇمىس جاساي ءجۇرىپ (28 كۇن جۇمىس، 28 دەمالىس) اتىراۋداعى وقۋ ورتالىعىندا اعىلشىن تىلىنەن ساباق بەردىم. مەنىڭ ساباعىم 18:00-دە اياقتالادى، ال ونىڭ ساباعى 18:00-دە باستالاتىن. مەن پرينتەردىڭ جانىندا تۇرىپ، كوز قيىعىممەن ونىڭ رەسەپشندا كابينەت كىلتىن كۇتىپ تۇرعانىن بايقادىم. ول كۇلىمسىرەپ «حەللوۋ» دەدى، ال مەن «حاي» دەپ جاۋاپ بەردىم. سوسىن وزىمشە بولىپ كەتىپ قالدىم. كەلەسى كۇنى دە ونى كوردىم، وسىلايشا، بىرنەشە كۇن بويى جالعاستى. بىردە مەنەدجەرىمىز وقىتۋشىلارعا ارنالعان ورتاق چات اشتى. سول كەزدە ول مەنىڭ جەكەمە جازا باستادى. مەن تاعى دا وزىمشە بولىپ، «سالەم»، «ساۋ بول»، «ممم»، «وك» دەپ ءجۇردىم.
ءسويتىپ جۇرگەندە بالەن جىل ءوتىپ كەتەدى. بايعۇس بالا جازىپ، جازىپ قويدى.
- كوروناۆيرۋس باستالدى. مەن 14 كۇن وقشاۋلانۋدامىن. تۇسىنىكتى بولۋ ءۇشىن ايتا كەتەيىن. تەڭىزدەگى وقشاۋلاۋ كەزىندە ءبىر بولمەدە، ءتورت قابىرعادا جالعىز وتىراسىڭ. ساعان ءبىر مينۋتتان اسا ەسىكتەن شىعۋعا، ەسىكتەن باسىڭدى شىعارۋعا دا بولمايدى. ويتكەنى، دالىزدەگى بەينەجازبا ارقىلى بىردەن باسشىلىققا حات كەتەدى. نە ىستەرىمدى بىلمەي، بارلىق ۆيدەولار مەن فيلمدەردى كورىپ تاستادىم.
ول ماعان قايتادان جازىپ، تەڭىزدە اۋرۋدىڭ قايتا ءورشىپ جاتقانىن ايتىپ، ءوزىڭدى كۇتىپ ءجۇر دەپ جازدى. كەيىن ول تەلەفون سوعۋعا رۇقسات الىپ، تاڭعا دەيىن اڭگىمە ايتاتىنبىز. ول سونداي ازىلقوي. وسىلايشا، ەكى اي بويى ونلاين ارالاستىق. تەڭىزدەن كەلگەن سوڭ دا كەزدەسۋگە بىردەن كەلىسىم بەرگەن جوقپىن. ول مىڭىنشى رەت كەزدەسۋگە شاقىرىپ، ايتەۋىر، كەلىستىم. كەزدەسكەنىمىزگە 7-8 اي تولعان سوڭ، ول ماعان قولى مەن جۇرەگىن ۇسىنىپ، ۇيلەنۋگە ۇسىنىس جاسادى»، - دەپ جازدى زايدا.
"ادىرنا" ۇلتتىق پورتالى
