Qazaqstandyq belgili saıasattanýshy, kásipker Sanjar Boqaev áleýmettik jelidegi paraqshasynda Qazaqstan osy ýaqytqa deıin 3 NPZ-ǵa 6 mlrd dollar jumsap, onyń qaı jerin ózgertkenin ózderi de bilmeıtinin málimdep, dızel máselesiniń áli kúnge deıin sheshilmeı kele jatqanyna alańdatýshylyq bildirdi. Bul týraly "Adyrna" ulttyq portaly habarlaıdy.
- Jańa ǵana AZS-ke baryp jańarmaı quıyp aldym. Áli de dızel máselesi sheshilmegen eken. Ózimizde úsh NPZ bar. Onyń barlyǵy eski. Atyraý NPZ (1945), Pavlodar NPZ (1978), Shymkent NPZ (1985). 1945 jylmen 1985 jyl aralyǵynda salynǵan. Endi biz árqashan da kórip jatsańyz, modernızaııasyn jasap jatamyz. Bizdiń sońǵy 2018 jylǵy modernızaııa ótken kezde, bizdiń Úkimet ishki naryǵymyzdyń qajettiligin tolyqtaı qamtımyz dep ýáde bergen bolatyn. Alaıda jyl saıyn sáıkesinshe dızel joq , - deıdi Sanjar Boqaev.
Sonymen qatar saıasattanýshy Halyqaralyq tájirıbege súıenip, kóptegen elderde 2 nemese 3 mıllıard dollarǵa jańa NPZ salynyp jatqanyn atap ótti.
- Mysaly, "BP" kompanııasy 3 mıllardqa keremet sonyń modernızaııasyn jasap, bizdiń 3 zaýytymyz beretin kólemdegi deńgeıge jetkizgen. Al bizde 2018 jyl bolǵan modernızaııaǵa biz 2 trıllıon teńge nemese 6 mıllıard dollar jumsaǵan ekenbiz. Onyı qaı jerine modernızaııa jasaǵanyn ózderi de bilmeıdi. Buny taǵy da jaqsylap teksergen jón dep oılaımyn. Óıtkeni, bunyń astarynda úlken jemqorlyq jatyr,- dep málimdedi belgili saıasattanýshy.
Sóz sońynda Sanjar Boqaev: "Biz munaıdyń ústinde otyryp, bizdiń halyqtyń qajetti kólemde jáne de durys sapada jańarmaıǵa qol jetkizbegeni uıat nárse. Ózbekstan bolsa, sońǵy 15 jylda 3 gazohımııalyq kombınattaryn salyp alǵan. Biz áli de bireýin salǵan emespiz. Sondyqtan kishkene namys bolý kerek..." - dedi.
View this post on Instagram
"Adyrna" ulttyq portaly
