Oraldyq käsıpkerler qalanyŋ ortalyq köşelerınıŋ bırıne öz küşterımen asfalt tösedı. Jyldar öte joldyŋ tozyǧy jetıp, joldy jöndeu turaly ötınışter nazarsyz qaldy, - dep habarlaidy "Adyrna" tılşısı Habar 24 arnasyna sılteme jasap.
Ortalyq bazar audanyndaǧy Ahmirova köşesı tūrǧyndary ūzaq jyldar boiy äkımdıktıŋ tabaldyryǧyn tozdyrǧanymen, jergılıktı bilık tarapynan joldy jöndeu, odan keiın salu jūmystary belgısız merzımge üzdıksız keiınge şegerılıp otyrǧan. Sodan keiın aimaq tūrǧyndary mäselenı öz qoldaryna aluǧa bekıngen.
"Būǧan deiın 20 jyl boiy jol salynbaǧan bolatyn. Kölı öte almaityn. Barlyq körşılermen jinalyp, jol jasadyq. Körşı köşedegı körşılerımız de jinalyp, kömektestı. Şamamen 12 adam jūmyldyq. Bärı ärtürlı üles qosty, keibırı 500, bıreu 900, bıreu taratu arqyly, kerek soma jinaldy», - deidı käsıpker Artur Tasbolatov.
Qalalyq mäslihat deputattary problemalyq salaǧa nazar audardy.
"Jyl saiyn qūrylys materialdary qymbattap jatqanyn bärı bıledı, bıraq soǧan qaramastan jergılıktı käsıpkerler qajettı somany jinap, jol tösep, igı ıs jasady. Özderıne de, osy köşenıŋ tūrǧyndaryna jaqsy boldy. Barlyq jūmys qa 10 million teŋge ketken», - dedı qalalyq mäslihat deputaty Nūrgül Aşyqova.
Oblys ortalyǧynda jergılıktı bilıktıŋ mälımetınşe, joldardyŋ 25 paiyzynda asfalt töselmegen.
"Adyrna" ūlttyq portaly
Ūqsas jaŋalyqtar
