Altynshashtyń sahnada júrgenine bıyl 10 jyl toldy. Osyǵan oraı Beıbitshilik jáne Kelisim saraıynda óner juldyzdarynyń qatysýymen «Samǵa alǵa» atty motıvaııalyq, shyǵarmashylyq konerti ótti.
Úlken sahnada jeke shyǵarmashylyq keshin berý árbir óner adamynyń armany. Sol sekildi men de bala kezden armandap keldim. Men sekildi erekshe jannyń motıvaııalyq án keshin berýi Qazaqstanda buryn sońdy bolmaǵan. Osydan keıin de qoldaýlar, qandaı da birusynystar bolsa ary qaraı halyqqa motıvaııa berýge daıynmyn, - deıdi ánshi.
Shyǵarmashylyq keshke QR Prezıdenti, QR Úkimeti, Mádenıet jáne sport mınıstirligi jáne Astana qalasy ákimdiginiń atynan yqylas gúli tabystaldy. Sonymen qatar, mınıstrler men Altynshashtyń ánin óńdegen Rınat Gaısın syndy tanymal kompozıtorlar qoldaý bildirip, án keshtiń kórermeni boldy.
Altynshash eńbektiń adamy. Sochı qalasynda ótken án baıqaýynan gran prı ıelense, Janshýaq baıqaýynda “Amanat” premııasyn utyp aldy. Budan bólek Halyqaralyq baıqaýlarda laýreat atanyp júrgen jigerli, rýhty, batyr qyz,- dedi premer-mınıstr orynbasary Altaı Seıdiruly Kólginov.
Sonymen qatar, kesh qonaqtary Qanat-Svetlana Aıtbaevtar, Altynaı Jorabaeva, Aýka, Ardaq Balajanova, Meıirǵat Amangeldın, Zarına Omarova, “Jastar” teatry qoldaý bildirdi.
Alladan úmiti úlken adam. Basyna qansha synaq tússe de esh moımaıtyndyǵy erekshe tań qaldyrady. Ádemilikti jaqsy kóretindigi, sahnalyq obrazdary, syrt kelbetine kútimmen qaraýy - kóp arýlarǵa úlgi, - deıdi ánshi áriptesi Altynaı Jorabaeva.
Qazaq árqashan jaqsylyqqa qumar izgi nıetti halyq. Sondyqtan qoldaýdy qajet etetin jandarǵa memleket jáne halyq tarapynan jaqsylyqtyń aýylyna qadam jasala berse eken degen tilegim bar,- deıdi Qanat Aıtbaev.
Bas kezinde múmkindigi shekteýli jandar dese, basqasha kózben, aıaýshylyq sezimmen qaraıtynbyz. Qazir qoǵam úırendi, qabyldady. Kerisinshe erekshe jandar tartynbaý kerek. Mysaly Altynshash shettetilip qalatyn jandar qatarynan emes. Kerisinshe bizdiń áriptesimiz, dosymyz, qaryndasymyzǵa aınaldy. Birge oryndaıtyn ánimiz de “Ókinbe sen” dep atalady. Osy án arqyly da adamǵa motıvaııa beredi. Árdaıym jan-jaǵyndaǵylarǵa jigerli bolýdy úıretip júredi,- deıdi Meıirǵat Amangeldın.
Altynshashtyń búginge deıin 20-ǵa jýyq avtorlyq áni bar. Alǵa qoıǵan maqsattary da bıik. Aldaǵy josparlarynyń biri úlken sahnadaǵy konertterde óner kórsetý. Óner deıtin kerýenniń kóshine óziniń erekshe qabilet, talantymen kelip qosylǵan qaısar jannyń tyńdarmandary kóp bolsyn deımiz!
Aıym Abdrashıt
