Oralda týǵan qyzyn zorlaǵan opasyz ákege qatysty qylmystyq is qozǵaldy. Qolǵa túsken pedofıl ony áıelimen shatastyryp alǵanyn aıtyp aqtaldy, dep habarlaıdy "Adyrna" ulttyq portaly.
Mamandardyń aıtýynsha, óńirde osyndaı jantúrshigerlik oqıǵalar jıilep barady. Jyl basynan beri 16 jasóspirim turmystyq zorlyq-zombylyqtyń qurbany bolǵan.
- Meni anam uryp-soǵyp, tipti tepkilep tastady. Ólgiń kelse, aram qat! Maǵan seniń bar-joǵyń báribir! - dep urysty. Biraq ózimdi óltire almadym. Ólý ońaı emes eken. Qolymnan eshnárse kelmegen soń, jylaı beremin. Keıin qalaı ólýdiń amaldaryn izdestire bastadym. Ózime pyshaq tyǵyp alǵym kelgen. Biraq olaı isteı almadym, - deıdi 16 jastaǵy qyz.
Bıyl óz týystarynan jábir kórgen jasóspirimder kúrt kóbeıgen. Polıııa dereginshe, 16 balaǵa zorlyq jasalǵan.
- Eń sumdyǵy, jynystyq sıpattaǵy zorlyq kóp kezdesedi. Bul qylmys túri 30 paıyzǵa artyp otyr. Mysaly, araq iship alyp, óziniń týǵan qyzyn uzaq ýaqyt boıy zorlap kelgen oraldyqtyń ústinen is qozǵaldy. Ol mastyǵynan aıyqqasyn, qyzyn áıelimen shatastyryp alǵanyn aıtyp, aqtalypty, - deıdi Oral qalasy PB ıývenaldy polıııa ınspektory Mádına Quspanova.
Polıııa dereginshe, byltyr eki jasóspirim sýııd jasaǵan. Taǵy 13 balanyń osyndaı áreketke barǵany anyqtalyp otyr.
"Adyrna" ulttyq portaly
