Shymkent qalasynyń ákimi Murat Áıtenov qalalyq qurylys basqarmasynyń jarty jyldyq esebin tyńdady. Basqarma tarapynan bıylǵy jyly 113 qurylys jobasy iske asyrylýda. Mekeme qyzmetiniń tıimdiligin baǵalaý 8 maqsatty kórsetkishter boıynsha júrgiziledi. Onyń ishinde eń negizgi ındıkator – jyl sońyna deıin paıdalanýǵa beriletin turǵyn úılerdiń jalpy aýmaǵyn 1 mln. sharshy metrge jetkizý. Jańadan salynyp jatqan baspanalardyń ishinde 570 myń sharshy metri – kóp qabatty turǵyn úıler bolsa, 430 myń m2 – jeke turǵyn úılerdiń úlesinde. Salystyrmaly túrde aıtar bolsaq, byltyr Shymkent qalasy aýmaǵynda jeke jáne kópqabatty turǵyn úıler sanatynan 649,1 myń sharshy metr turǵyn úı paıdalanýǵa berilgen bolatyn. Birinshi jartyjyldyqta 276,3 myń sharshy metr turǵyn úı paıdalanýǵa berilip, byltyrǵy jyldyń tıisti kezeńimen salystyrǵanda 101,9 paıyzǵa artqan.
Turǵyn úı qurylysynyń barysymen muqııat tanysqan qala ákimi Murat Áıtenov atqarylyp jatqan jumystardy qadaǵalaýdy utymdy uıymdastyrý kerektigine nazar aýdardy. Bul baǵytta jańa tehnologııalardy qoldanyp, salynyp jatqan nysandarǵa onlaın rejımde translıaııaǵa jasaýǵa múmkindigi bar kameralar qoıýǵa bolatynyn atap ótti. Tapsyrys berýshi – qurylys basqarmasy osylaısha atqarylyp jatqan jumystardyń sapasyn kúndelikti baqylap, óndiristik kesteniń saqtalýyna kepil bolmaq. Qurylys nysandarymen tikeleı efırde baılanysa otyryp, jumys jıyndaryn da ótkizýge bolatynyn atap ótti.Basqarmanyń alty aıda atqarǵan jumystary jóninde esep bergen basqarma basshysynyń mindetin atqarýshy B.Kúzdeýbaevtyń aıtýynsha, qurylys jumystary kóleminiń jyldyq jospary 135,6 mlrd teńge bolyp belgilengen. Birinshi jartyjyldyqta atqarylǵan qurylys kólemi 50,1 mlrd teńgege jetip, byltyrǵy jyldyń sáıkes kezeńimen salystyrǵanda naqty kólem ındeksi 115,6 paıyz bolyp otyr.
Bıyl «Nurly jer» baǵdarlamasy boıynsha 4832 páterli 79 kópqabatty turǵyn úılerdiń qurylystary bastalǵan. Onyń ishinde 1224 páterli 18 turǵyn úı – arendalyq baspanalar bolsa, 3608 páterli 61 úı – turǵyn úı nesıesin alǵandarǵa tabystalmaq.Ákimshilik iskerlik ortalyǵynda kópqabatty 12 úı bıyl paıdalanýǵa berilse, 9-qabatty segiz úıdiń qurylysy kelesi jyly aıaqtalady. Jańadan salynǵan nysandarǵa ınjenerlik ınfraqurylym tartý boıynsha 15 jobany iske asyrý kózdelip, onyń 6 nysany paıdalanýǵa berilgen. Bilim salasy boıynsha 11 nysannyń qurylysyna qarjy bólingen. Onyń ishinde 4 mekteptiń ǵımaraty jańa oqy jylyna deıin iske qosylady. Mádenıet jáne sport salalarynda 5 nysannyń qurylystary josparlanyp, onyń eki nysany paıdalanýǵa berildi.Joba-smetalyq qujattamalar ázirleý boıynsha eki medıınalyq uıym men Saıram turǵyn alabynda órt sóndirý deposynyń qurylystaryn júrgizý josparlanyp, iske asyrýda.
Basqarmanyń alty aıda aıtqarǵan jumystaryn taldaǵan Murat Dúısenbekuly qurylys qalanyń damýyna yqpal etetin mańyzdy sala ekendigine toqtaldy. Qurylys júrgizý qala ekonomıkasynyń damýyna tutastaı áser etip, bıznestiń qurylys naryǵyna beıimdelýi júzege asatynyn, onyń ishinde qurylys materıaldarynyń óndirisi qarqyn alatynyn atap ótti. Qalanyń tirshiligi jyljymaıtyn múlik naryǵy arqyly órbıtinin eske salǵan qala basshysy, qurylys jumystaryn josparlaýda naqtylyq kerektigine kóńil bóldi. Bul baǵytta basqarmanyń josparlaý qyzmeti qurylymynyń jumysyn júıeleýdi tapsyrdy..Esep berý jıynyn qorytyndylaǵan qala ákimi Murat Áıtenov keleshekte Shymkent taza qala bolýy kerektigin nazarǵa alyp, qalada shańy shyǵyp jatqan jerler bolmaýy kerektigin taǵy da eskertti. Ol úshin qurylys alańdaryna kirip-shyǵatyn tehnıkalardyń laıdan túgeldeı tazartylyp otyrýyn mindettedi.
Avt. ÁIGERIM
