Shymkent qalasyndaǵy memlekettik jáne jekemenshik emhana janynan qurylǵan mobıldi brıgadalar kúnine myńnan asa shaqyrtýǵa barady. Epıdemıologııalyq jaǵdaıdyń kúrdelenýine baılanysty ambýlatorııalyq kómek kórsetetin brıgada mamandaryna túsetin shaqyrtýlar sany artyp otyr. Bul týraly Shymkent qalalyq densaýlyq saqtaý basqarmasynyń basshysy Baqytjan Pozılov málimdedi.
Basqarma basshysynyń aıtýynsha, qazirgi tańda 39 memlekettik jáne jekemenshik emhanada 205 mobıldi brıgada jumys isteýde. Atalǵan brıgada qyzmetkerleri Covid-19, pnevmonııaǵa shaldyqqan, jiti respıratorlyq aýrýdyń belgileri bar paıentterge úıde ambýlatorııalyq-emhanalyq kómek kórsetip, kovıdke kúdikti paıentterden jedel jáne PTR-testileý alady.
Baqytjan Pozılov – Shymkent qalasy Densaýlyq saqtaý basqarmasynyń basshysy
Qazirgi tańda 4 313 naýqas emdelip jatyr, onyń ishinde 2 551 naýqas úı jaǵdaıynda ambýlatorlyq em qabyldaýda. Osy ambýlatorııalyq em qabyldap jatqandarǵa mobıldi brıgada qyzmetkerleri kómek kórsetýde. Qalada jyl basynan beri koronavırýs juqtyrǵan 13 521 naýqas anyqtalǵan. Ókinishke qaraı, 248 naýqas qaıtys bolǵan. Sońǵy bir aıda kóz jumǵandardyń sany kúrt kóbeıgen.
Sondaı-aq, qaýipti dertke shaldyqqandar qatarynda júkti áıelderdiń de qatary azaımaı tur. Qazirgi tańda ınfekııalyq staıonarda koronavırýske shaldyqqan 121 júkti áıel emdelýde. Infekııa juqtyrǵan 2 júkti áıeldiń jaǵdaıy aýyr, -deıdi Baqytjan Pozılov.
Baqytjan Pozılov – Shymkent qalasy Densaýlyq saqtaý basqarmasynyń basshysy
Aıta keteıik, ótken táýlikte COVID-19 ınfekııasyn juqtyrýdyń 418 jaǵdaıy tirkeldi. Qazir ınfekııalyq staıonarlardaǵy jansaqtaý bóliminde 171 naýqas emdelýde. Tósek-oryn tolymdylyǵy 64% quraıdy. Basqarma basshysy, delta shtammyna baılanysty barsha qala turǵyndaryn saqtyq sharalaryn jiti ustanýǵa shaqyrady.
Perızat Ortaı
