Şymşahardyŋ «Oŋtüstık» industrialdy aimaǧynda ornalasqan temır-beton būiymdarynyŋ 120-dan astam türlerın şyǧaratyn zauyt bar. Önımı joǧary sapasymen erekşelenedı. Käsıporynda, bügınde kürdelılıgı men geometriiasy ärtürlı standartty emes qūrylys materialdary öndırıledı. Atalmyş önerkäsıptıŋ tynys-tırşılıgımen ärıptesım Balnūr Jūmadılla tanysyp qaitty.
«Ädılet qūrylys LTD» serıktestıgınıŋ negızı 2011 jyldyŋ küzınde Elbasy qoldauymen qalanǧan. Zauyt aumaǧy 7 Gektar jerdı alyp jatyr. Jyldyq quattylyǧy 20-25 myŋ kub beton. Öndırıs oşaǧyndaǧy tehnikalardyŋ barlyǧy şeteldık. Arnaiy tapsyryspen İspaniiadan äkelıngen. Ärqaisysy 15 önım türın şyǧaruǧa qauqarly. Bır quanarlyǧy käsıporyndaǧy qondyrǧylarda jergılıktı halyq jūmys ısteidı.
Arman Äşırov – «Ädılet qūrylys LTD» JŞS–nıŋ şeberı
Käsıporynnan 150-ge juyq adam azamat näpaqasyn aiyryp otyr. Jūmys uaqyty 2 auysymǧa bölıngen. Zauyt basşysy jūmysşylarǧa yŋǧaily jaǧdai jasaǧan. Joǧary jalaqy, jatyn oryn, uaqytyly berıletın 3 mezgıl tamaq.
Şavkat Abdujalilov – zauyt operatory
Öndırıs prosesı zerthananyŋ qataŋ baqylauynda. Temırbeton būiymdarynyŋ är komponentı aldyn-ala synaudan ötedı. Osylaişa, öndırıs oşaǧyna tek joǧary sapaly şikızat taŋdalady. Qajettı şikızat Oŋtüstık öŋır men Reseidan jetedı. Şyǧarylǧan önımnıŋ 70%-y Taraz, Şymkent, Qyzylorda, Astana jäne Almaty qalalaryna tasymaldanady. Zauyt basşysy aldaǧy uaqytta naryqqa jaŋa önım türın ūsynudy közdep otyr. Sondai-aq jūmys oryndaryn köbeitıp, jyldyq quattylyǧyn arttyru da jospardaǧy ıs.
Nūrken Jakipov - «Ädılet qūrylys LTD» JŞS zauytynyŋ direktory
Su ötkızu qūbyrlary, temırbeton qadalar, tırekter, portal qabyrǧalary, jiektestar, qorşau jäne beton bloktarynyŋ barlyǧy da osy jerden şyǧady. Baǧasy da qoljetımdı. Temırbeton būiymdaryn öndıru üşın kompaniia berıktık pen joǧary sapaly önımge kepıldık beretın arnaiy qospalarylardy tūtynady. Aita keteiık, būl käsıporyn öŋırdegı elektrlendıru, sumen jabdyqtau, qūrylystar men avtojoldar salu üşın paidanylatyn qūrylys zattaryn öndıretın jalǧyz zauyt.
Balnūr Jumadılla
