Sankt-Peterbýrg gýbernatory Aleksandr Beglov Túrkimenstanǵa resmı saparmen keldi. Delegaııany túrkimen tarapy tóńkerilgen Reseı týymen qarsy aldy.
Ústińgi jaǵynda qyzyl, ortasy kók, asty aq jolaq tústi tý ústelge Reseı gýbernatory Beglov pen premer-mınıstrdiń orynbasary, Túrkimenstan prezıdentiniń uly Serdar Berdimuhamedov arasyndaǵy kelissózder kezinde qoıylǵan. Bul «Peterbýrg kúndeligi» basylymynda jarııalanǵan fotoda túsirilgen.
Biraz ýaqyttan keıin dál osyndaı fotosýretter Peterbýrg úkimetiniń saıtynda jarııalandy. Alaıda, jalaý reseılik úshburyshtyń durys ornalasýyna sáıkes keldi: ústinde aq, tómengi jaǵynda qyzyl. «Fontanka» jýrnalısi týdy grafıkalyq redaktor arqyly durystaǵan dep esepteıdi.
Beglovtyń Túrkimenstanǵa sapary el táýelsizdiginiń 30 jyldyǵyn toılaýǵa baılanysty jasaldy. 27 qyrkúıekte toılanatyn bul merekege kóptegen sheteldik qonaqtar shaqyrylǵan. El bıligi COVID-19 epıdemııasyna baılanysty karantındik sharalardy qabyldaýda. Al resmı turǵydan Túrkimenstanda koronavırýs joq.
"Adyrna" ulttyq portaly
