Elımızde bügınnen bastap jaŋa Salyq kodeksı qoldanysqa engızıldı, dep habarlaidy "Adyrna" ūlttyq portaly.
Jaŋa qūjatta salyq saludyŋ negızgı qaǧidattary aiqyndalyp, salyqtar men biudjetke tölenetın özge de mındettı tölemderdı belgıleu, engızu, özgertu, küşın joiu, esepteu jäne töleu tärtıbı rettelgen. Sonymen qatar, salyqtyq mındettemelerdı oryndauǧa bailanysty qoǧamdyq qatynastar qamtylǧan.
Jaŋa Salyq kodeksındegı normalar azamattardyŋ tabysyna, jūmys beruşılerdıŋ şyǧyndaryna, sondai-aq kompaniialar men käsıpkerlerdıŋ salyqtyq jüktemesıne tıkelei äser etedı.
Jyldyq tabysqa salynatyn jeke tabys salyǧy (JTS) progressivtı şkala boiynşa belgılengen. Iаǧni, 8 500 AEK-ke deiın (36 762 500 teŋge) – 10%. Al 8500 AEK-ten joǧary – 15%.
Al jeke täjıribemen ainalysatyn tūlǧalar üşın JTS mölşerlemesı 9% bolyp bekıtıldı.
Dividendterge salynatyn salyq ta progressivtı jüiege köştı.
230 000 AEK-ke deiın (994 750 000 teŋge) – 5%, körsetılgen somadan joǧary – 15%.
Jalpy salyq rejimındegı jeke käsıpkerler üşın 230 000 AEK-ke deiın – 10%, odan joǧary – 15%.
Negızgı salyq şegerımı aiyna 30 AEK (129 750 teŋge), jylyna eŋ köbı 360 AEK kölemınde belgılendı. Sonymen qatar, mügedektıgı bar azamattar men ardagerler siiaqty jekelegen sanattarǧa äleumettık salyqtyq şegerımder qarastyrylǧan.
Al käsıpkerler üşın qosylǧan qūn salyǧynyŋ (QQS) standartty mölşerlemesı ainalymdar men import üşın 16% bolyp bekıtıldı.
Otandyq baspa önımderıne QQS – 10%.
Eŋbekaqy qorynan tölenetın bıryŋǧai tölem mölşerı kezeŋ-kezeŋımen ösedı.
2026 jyly – 24,8% bolsa, 2027 jyly – 25,8%, 2028 jyly – 26,3% bolady.
Būl tölemge jeke tabys salyǧy, zeinetaqy jarnalary, äleumettık audarymdar jäne mındettı äleumettık medisinalyq saqtandyru kıredı.
