سانكت-پەتەربۋرگ گۋبەرناتورى الەكساندر بەگلوۆ تۇركىمەنستانعا رەسمي ساپارمەن كەلدى. دەلەگاتسيانى تۇركىمەن تاراپى توڭكەرىلگەن رەسەي تۋىمەن قارسى الدى.
ۇستىڭگى جاعىندا قىزىل، ورتاسى كوك، استى اق جولاق ءتۇستى تۋ ۇستەلگە رەسەي گۋبەرناتورى بەگلوۆ پەن پرەمەر-ءمينيستردىڭ ورىنباسارى، تۇركىمەنستان پرەزيدەنتىنىڭ ۇلى سەردار بەردىمۇحامەدوۆ اراسىنداعى كەلىسسوزدەر كەزىندە قويىلعان. بۇل «پەتەربۋرگ كۇندەلىگى» باسىلىمىندا جاريالانعان فوتودا تۇسىرىلگەن.
ءبىراز ۋاقىتتان كەيىن ءدال وسىنداي فوتوسۋرەتتەر پەتەربۋرگ ۇكىمەتىنىڭ سايتىندا جاريالاندى. الايدا، جالاۋ رەسەيلىك ءۇشبۇرىشتىڭ دۇرىس ورنالاسۋىنا سايكەس كەلدى: ۇستىندە اق، تومەنگى جاعىندا قىزىل. «فونتانكا» ءجۋرناليسى تۋدى گرافيكالىق رەداكتور ارقىلى دۇرىستاعان دەپ ەسەپتەيدى.
بەگلوۆتىڭ تۇركىمەنستانعا ساپارى ەل تاۋەلسىزدىگىنىڭ 30 جىلدىعىن تويلاۋعا بايلانىستى جاسالدى. 27 قىركۇيەكتە تويلاناتىن بۇل مەرەكەگە كوپتەگەن شەتەلدىك قوناقتار شاقىرىلعان. ەل بيلىگى COVID-19 ەپيدەمياسىنا بايلانىستى كارانتيندىك شارالاردى قابىلداۋدا. ال رەسمي تۇرعىدان تۇركىمەنستاندا كوروناۆيرۋس جوق.
"ادىرنا" ۇلتتىق پورتالى
