«Nur Otan» partııasy aqyn-jazýshylar, dramatýrgter men senarıster arasynda ótetin «Uly dala» respýblıkalyq shyǵarmashylyq baıqaýynyń bastalǵany týraly habarlaıdy.
Uıymdastyrýshylardyń aıtýynsha, jeńimpazdar «Proza», «Poezııa», «Dramatýrgııa», «Kórkem fılm men teleserıal senarııi» jáne «Balalarǵa arnalǵan shyǵarma» nomınaııasy boıynsha anyqtalady. Ár nomınaııa jeńimpazy 1 000 000 teńgege ıe bolsa, ekinshi orynǵa 750 000 teńge júlde qory qarastyrylǵan. Úshinshi oryn ıegerine 500 000 teńge usynylady.
«Bul baıqaýdyń maqsaty – Táýelsizdiktiń alǵashqy 30 jylynda elimizdiń jetken jetistikterin, memlekettilik irgesiniń bekýindegi Qazaqstannyń Tuńǵysh Prezıdenti – Elbasy N.Á.Nazarbaevtyń basshylyǵymen qol jetkizgen tabystardy jáne qoǵamdy rýhanı jańǵyrtýdyń ıdeıalary men qundylyǵyn kórsetetin qazirgi zamanǵy qazaqstandyq avtorlardyń shyǵarmalaryn qoldaý jáne nasıhattaý bolyp otyr», - delingen habarlamada.
Sonymen qatar, baıqaýǵa 18-den 40 jasqa deıingi aqyn-jazýshylar, dramatýrgter men senarıster qatysýǵa quqyly. Bir avtor/avtorlar toby tek bir nomınaııaǵa qatysa alady. Baıqaýǵa usynylatyn jumystardyń taqyrybyna shekteý qoıylmaıdy. Shyǵarmalar 2021 jyldyń 1 qazan kúni saǵat 9.00-den 2021 jyldyń 30 qarasha kúni saǵat 18.00-ge deıin elektrondy poshta arqyly qabyldanady.
Esterińizge salsaq, keshe «Nur Otan» partııasy men Qazaqstan Jazýshylar Odaǵy arasyndaózara yntymaqtastyq týraly memorandýmǵa qol qoıyldy.
Partııa Tóraǵasynyń Birinshi orynbasary Baýyrjan Baıbek sharanyń ashylýynda sóılegen sózinde qoǵamdaǵy zııaly qaýym ókilderiniń tıis ekijaqty jobalarǵa keńinen toqtalyp ótken edi. Atalǵan memorandýmnyń alǵashqy jemisi retinde atalmysh «Uly dala» baıqaýy jarııalanyp otyr.
«Uly dala» baıqaýy 2019 jyly ótkizilip, oǵan 700-den astam shyǵarma túsken bolatyn. Olardyń ishinen 400 shyǵarma iriktelip, 5 nomınaııa boıynsha elimizdiń túkpir-túkpirinen talantty 15 jas qalamger júldeger atandy. Tek sońǵy bir jarym jylda koronavırýs pandemııasynyń saldarynan biraz ádebı-mádenı jobalar toqtap qaldy.
Baıqaýdyń sharttary «Nur Otan» partııasynyń resmı saıtynda jáne áleýmettik jelilerdegi resmı akkaýnttarynda, sondaı-aq aikyn.kz saıtynda, «Miras» partııalyq jobasynyń Facebook paraqshasynda jarııalanady.
”Adyrna” ulttyq portaly
